މާލެސިޓީ ކައުންސިލްގެ ހުސްވެފައިވާ މެޔަރ ކަމުގެ މަގާމަށް ޕީއެންސީގެ ޓިކެޓްގައި ވާދަކުރައްވާ ކުރީގެ ބަންޑާރަ ނާއިބު ޢާއިޝަތު ޢާޒިމާ ޝަކޫރު، ނުކުންނަވައި ހުންނެވީ، ކުރީގެ މޭޔަރ އަދި މިހާރުގެ ރައީސުލްޖުމްހޫރިއްޔާ ޑރ މުހައްމަދު މުޢިއްޒު ތަންފީޒު ކުރައްވަމުން ގެންދެވި އެކްޝަން ޕްލޭން ތަންފީޒު ކުރައްވަން ކަމަށް މާލެސިޓީ ކައުންސިލްގެ ހުޅުމާލޭ ދާއިރާގެ މެންބަރު އިބްރާހީމް ޝުޖާޢު ވިދާޅުވެއްޖެއެވެ.
ރޭ ހުޅުމާލޭ ލިޓްލް ޖެމްސް ޕްރީ ސްކޫލު ގައި ބޭއްވުނު ޢާޒިމާގެ ކެންޕެއިން ބައްދަލުވުމުގައި ވާހަކަ ދައްކަވަމުން ޝުޖާއު ވަނީ ޕީޕީއެމް/ޕީއެންސީގެ ލީޑަރޝިޕްގެ ބޭފުޅެއްގެ ހައިސިއްޔަތުންނާއި އަދި ހުޅުމާލޭ ދާއިރާގެ ކައުންސިލަރު ގެ ހައިސިއްޔަތުންވެސް ޢާޒިމާއަށް ފުރިހަމަ އެއްބާރުލުމާއި ތާއީދު އޮންނާނެ ކަމަށެވެ.
އަދި މާލެސިޓީ ކައުންސިލްގެ މޭޔަރ ކަމަށް ޕީއެންސީގެ ޓިކެޓްގައި ޢާޒިމާ ވާދަކުރައްވާ އިރު، އެ ބޭފުޅާއަކީ ވަރަށް ގިނަ ދައުލަތުގެ އިސް މަގާމުތައް ފުރުއްވާފައިވާ ގިނަ ދުވަހު ދައުލަތަށް ޚިދުމަތް ކުރައްވާފައިވާ، ވަރަށް ތަޖުރިބާކާރު ބޭފުޅެއްކަން ޝުޖާއު ފާހަގަކުރެއްވި އެވެ.
މިއާއެކު ޝުޖާޢު ވަނީ، ޢާޒިމާގެ މަސައްކަތް ބިނާ ކުރައްވާނީ، ރައީސް ޑރ. މުޢިއްޒު މާލެ ސިޓީ ކައުންސިލްގެ މޭޔަރ ކަމުގެ މަގާމުގައި ހުންނެވި އިރު، އެކުލަވައި ލެއްވި، މާލެ ސިޓީ ތަރައްގީ ކުރުމުގެ ސްޓެރެޓެޖިކް އެކްޝަން ޕްލޭނާއި އެއްގޮތަށް ކަން ފާހަގަކުރައްވާފައެވެ.
އާޒިމާ އެ ނުކުންނަވަނީ ޑރ. މުޢިއްޒުގެ ސްޓެރެޓެޖިކް އެކްޝަން ޕްލޭން، އަޅުގަނޑުމެން މިހާރު މި ތަންފީޒުކުރަމުންދާ ސްޓެރެޓެޖިކް އެކްޝަން ޕްލޭނާ އެކީގައި. ޑރ. މުޢިއްޒު ނިންމެވި ހިސާބުން ފެށިގެން، ކުރިއަށް އޮތް ބާކީ ދުވަސްތަކަށް އެ މެނިފެސްޓޯ ނުވަތަ އަޅުގަނޑުމެންގެ ސްޓެރެޓެޖިކް އެކްޝަން ޕްލޭން ތަންފީޒް ކުރެއްވުމަށް. އެކަމަނާ ނިސްބަތްވެ ވަޑައިގަންނަވަނީ ވެރިކަން ހިންގާ ކޯލިޝަނަށް
ހުޅުމާލެ ދާއިރާގެ ކައުންސިލަރު އިބްރާހީމް ޝުޖާޢު
އެހެން ކަމުން ޝުޖާޢު ވަނީ މާލެސިޓީ އާއި ޚާއްސަކޮށް ހުޅުމާލޭ ދާއިރާގެ ހުރިހާ ފަރާތްތަކުން ޢާޒިމާއަށް ވޯޓު ދެއްވުމަށް އެދިވަޑައިގެންފައެވެ.
Advertisement
This content is created and paid for by advertisers and does not involve Voice Journalists
