އެޑިޔުކޭޝަން މިނިސްޓްރީ އިން 2 އަހަރުވަންދެން ހިފަހައްޓައި ސިއްރު ކުރި ކުރީގެ ޢަރަބިއްޔާ ސްކޫލްގެ ސްޓަކްޗަލް ރިޕޯޓް ހާމަކޮށްފިއެވެ.

ޢަރަބިއްޔާ ސްކޫލް ކުރިން ހިންގަމުން ދިޔަ ޗާންދަނީ މަގުގެ ޢިމާރާތް ކުދިން ބޭނުން ކުރުން ރައްކާތެރި ނޫން ތަނަކަށް ވެފައި ވުމުން އެތަނުގެ ހާލަތު ބެލުމަށް މިދިޔަ ސަރުކާރުން ހެދި ސްޓްރަކްޗަލް އެސިސްމަންޓުގެ ނަތީޖާ ހާމަ ކުރިކަމަށް ބުނެ ޓްވިޓާގައި ހިންގާ ޢަރަބިއްޔާ ފެމިލީ ޓްވިޓާ ހެންޑްލް އިން ވަނީ މިހާރުގެ އެޑިޔުކޭޝަން މިނިސްޓްރީ އަށް ތަޢުރީފް ކޮށްފައެވެ.

އަދި އެޑިޔުކޭޝަން މިނިސްޓަރ އިސްމާއިލް ޝަފީޢު ޢަރަބިއްޔާގެ ބެލެނިވެރިންގެ ފަރާތްޕުޅުން ހޯއްދެވި އިތުބާރުގެ މަތީގައި ސާބިތުވެ ހުންނެވުން ކަމުގައި އެ ޓްވީޓުގައި ވެއެވެ.

ޢަރަބިއްޔާގެ ސްޓްރަކްޗަލް އެސެސްމަންޓް ރިޕޯޓުގައި އެތަނަށް ލިބިފައިވާ ގެއްލުން ތަކާއި ކުރަން ޖެހޭ މަރާމާތު ތަކުގެ ވާހަކަ ތައް ވަނީ ހިމަނައިފައެވެ. އަދި އެއާއި އެކު އެކަން ކަމަށް ދާނެ ކަމަށް ލަފާ ކުރާ ފައިސާގެ ޢަދަދުވެސް އެރިޕޯޓުގައި ބުނެފައިވެއެވެ.

ޗާންދަނީ މަގު ޢަރަބިއްޔާ ސްކޫލް ހިންގި އިމާރާތް ކުދިން ކިޔެވުމަށް ބޭނުން ކުރަން ކަމުނުދާ ވަރަށް ހަލާކުވުމުން ޢަރަބިއްޔާގެ ދަރިވަރުން ބަދަލު ކުރީ ކުރިން ވަގުތީ ގޮތުން ފޮރިންގ މިނިސްޓްރީ ހިންގި ޢިމާރާތަކަށެވެ. އެތަނުގައި ދަތި ދުވަސްތަކެއް ހޭދަ ކުރުމަށް ފަހު މިހާރު އަރަބިއްޔާ ދަރިވަރުން ކިޔަވަމުންދަނީ ކުރިން ދަރުމަވަންތަ ސްކޫލްގެ ކުދިން ބޭނުންކުރި ވަގުތީ ޢިމާރާތުގައެވެ.

ރައީސް ޑރ މުޙައްމަދު މުއިއްޒުގެ ސަރުކާރުން ވަނީ ޢަރަބިއްޔާ ސްކޫލްގެ މުސްތަޤިއްލު އައު ޒަމާނީ ފެންވަރުގެ ޢިމާރާތެއް އެޅުމަށް ބިން ހަމަޖައްސައި ދެއްވައި އެމަސައްކަތް ހަފްތާ 14 ގައި ފައްޓަވާނެ ކަމުގެ ޔަޤީން ކަން ދެއްވައިފައެވެ. ޢަރަބިއްޔާ އެޅުމަށް ނިންމައިފައިވަނީ ކުރީގެ މާލޭގެ ކުނިކޮށީގައެވެ.