ދައުރުވަމުންދާ އާއްމު މިންޑަނޑުތަކާއި ޚިލާފް ވީޑިއޯ އަކާއި ގުޅިގެން ޕްރޮސެކިއުޓަރ ޖެނެރަލްގެ ވަކީލަކަށް ކުރާ ތުހުމަތުތަކާއި ގުޅުވައި، ރައްޔިތުންގެ މަޖިލީހަށް ކުއްލި މައްސަލައެއް ހުށައަޅުއްވައިފިއެވެ.

ނޮޅިވަރަމް ދާއިރާގެ މެމްބަރު، މުޙައްމަދު ނަޝީދު (މޮސްޓާ)  ހުށައެޅުއްވި އެކުއްލި މައްސަލައިގައި ގޮވާލާފައި ވަނީ އިސްލާމް ދީނާއި ރާއްޖޭގެ އާންމު މިންގަނޑާ ހިލާފު މަންޒަރުތައް ފެންނަ ވީޑިއޯއެއް ދައުރުވަމުންދާތީ، ޝަރީއަތުން ކަނޑައަޅާފައިވާ އަދަބު ވީޑިއޯ އިން ފެންނަ ވަކީލަށް ދިނުމަށެވެ.

މައްސަލަ މަޖިލީހަށް ހުށައަޅުއްވަމުން މޮސްޓާ ވިދާޅުވީ، ދައުލަތުގެ ޕްރޮސެކިއުޓަރެއް، ދިނާއި ޚިލާފު އަދި އާއްމު އަޚްލާޤީ މިންގަނޑާއި ޚިލާފަށް އުޅޭ މަންޒަރު ފެންނަ ވީޑިއޯއެއް ދައުރުވަމުންދާއިރު، އެފަދަ އަމަލުތައް ދިވެހި މުޖުތަމައުގައި އިތުރުވެ ހުއްޓުވޭނެ ފިޔަވަޅެއް ނޭޅި އެއީ އާދައިގެ ކަންކަމަށް އެފަދަކަންކަން ވަމުންދާ ކަމަށެވެ.

Advertisement

އަދި އެ ވީޑިއޯގައި ފެންނަނީ ދައުލަތުގެ "އިސް ވަކީލެއް" ކަމަށާއި އޭނާއަށް އެއްވެސް ތަފާތު ކުރުމެއް ނެތި އަދަބު ދޭންޖެހޭނެ ކަމަށެވެ.

މޮސްޓާގެ މިކުއްލި މައްސަލަ ވަނީ 18 މެމްބަރުންގެ ވޯޓުން މަޖިލީހަށް ބަލައިގެންފައެވެ.

ނަމަވެސް މިމައްސަލައަށް ރައްޔިތުންގެ މަޖިލީހުގެ ތަޅުމުގައި ބަހުސްކުރެއްވީ މަޖިލީހުގެ އެންމެ ތިން މެމްބަރުންނެވެ.