ބޭންކް އޮފް މޯލްޑިވްސްގެ ބްރަންޗްތައް މިމަހުގެ 31 ފެށިގެން ބަންދުވާނެ ކަމަށް އެބޭންކުން ބުނެފިއެވެ.
ބީއެމްއެލުން ބުނެފައިވަނީ، މިމަހުގެ 31 ވާ އާދިއްތަ ދުވަހު އެ ބޭންކުގެ ބްރާންޗްތަކާއި ސެންޓަރުތައް ބަންދުވާނެ ކަމަށާއި އެއަށް ފަހު ދެން ބޭންކު ހުޅުވޭނީ ޖެނުއަރީ މަހުގެ ދެވަނަ ދުވަހު ކަމަށެވެ.
މިމުއްދަތުގައި ބޭންކިންގ ޚިދުމަތް ހޯއްދެވުމަށް އިންޓަރނެޓް ބޭންކިންގ އަދި ސެލްފް ސަރވިސް އޭޓީއެމް ބޭނުންކުރެއްވުމަށް ބީއެމްއެލުން ވަނީ އެދިފައެވެ.
މީގެ އިތުރުން ވެބް ޗެޓް އަދި ބޭންކުގެ ސޯޝަލް މީޑިއާ ޗެނަލްތައް މެދުވެރިކޮށް ކަސްޓަމަރުންނަށް އެހީތެރިކަން ލިބިގެންދާނެ ކަމަށް ބީއެމްއެލުން ބުނެފައިވެއެވެ.
ކޮންޓެކްޓް ސެންޓަރ އިން ކަސްޓަމަރުންނަށް އެހީތެރިކަން ފޯރުކޮށްދެމުންގެންދާނެ ކަމަށްވެސް ބޭންކުން ވަނީ ބުނެފައެވެ.
ކޮންމެ އަހަރަކުވެސް އަހަރު ނިމުމާއި އައު ފެށުމާއި ދެމެދު ބީއެމްއެލް ބަންދު ކުރެއެވެ.
Advertisement
This content is created and paid for by advertisers and does not involve Voice Journalists
