މީލާދީ އައު އަހަރު، 2024 ވަނަ އަހަރަށް މަރުހަބާ ކިޔުމުގެ ގޮތުން، ބާއްވާ "ދިވެހިންގެ ރާއްޖެ ފެސްޓިވަލް" ތެރެއިން، ބޭއްވުމަށް ހަމަޖެހުނު މިޔުޒިކް ޝޯވް އާއި ހާވައެރުވުމުގެ ހަރަކާތް ފަސްކޮށްފިއެވެ.
މިކަން އިއުލާން ކޮށް ޔޫތު މިނިސްޓްރީން ވަނީ ބަޔާނެއްވެސް ނެރެފައެވެ.
އެ ބަޔާނުގައި ބުނީ، އާ އަހަރު ފެށުމުގެ މުނާސަބަތުގައި ދިވެހީންނަށް ޚާއްޞަކޮށް "ދިވެހީންގެ ރާއްޖެ ފެސްޓިވަލް2024" ގެ ނަމުގައި 31 ޑިސެމްބަރު 2023 ގައި އެ މިނިސްޓްރީއިން ބޭއްވުމަށް ނިންމާފައިވާ ފެސްޓިވަލްގައި ބައިވެރިވުމަށް ދިވެހި ރާއްޖޭގެ އެކި ކަންކޮޅުތަކުގައި ތިއްބެވި ރައްޔިތުންގެ ޝައުޤުވެރިކަން އޮތް ކަމަށެވެ.
ނަމަވެސް، މޫސުމާއިބެހޭ ޤައުމީ އިދާރާއިން ރާއްޖޭގެ ސަރަޙައްދުގެ މޫސުން ގޯސްވާނެ ކަމަށް ލަފާކޮށް މުޅި ރާއްޖެ ހިމެނޭހެން ރީނދޫ ސަމާލު ނެރެފައިވާތީ، ދަތުރުފަތުރު ކުރުމުގައި ދިމާވާނެ ދަތިތަކާއި ގުޅިގެން "ދިވެހީންގެ ރާއްޖެ ފެސްޓިވަލް2024" ގެ 31 ޑިސެމްބަރުގެ ރޭގަނޑު ބޭއްވުމަށް ހަމަޖެހިފައިވާ ޙަރަކާތް ފަސްކުރެވިފައިވާ ކަމަށް މިނިސްޓްރީން ބުންޏެވެ.
ޔޫތު މިނިސްޓްރީން ބުނީ، މޫސުން ރަނގަޅުވުމުން އެ ފެސްޓިވަލް ބާއްވާނެ ތާރީޚެއް ކަނޑައެޅުމަށްފަހު އަންގާނެ ކަމަށެވެ.
Advertisement
This content is created and paid for by advertisers and does not involve Voice Journalists
