އާ އަހަރު ފާހަގަ ކުރުމަށް މިއަދު ހަވީރު ބޭއްވުމަށް ހަމަޖެހުނު ކުޑަކުދީންގެ ހަވީރު ވެސް ކެންސަލް ކޮށްފި އެވެ.
އާ އަހަރާއި ދިމާކޮށް "ދިވެހީންގެ ރާއްޖެ ފެސްޓިވަލް" ނަމުގައި ބޮޑު ފެސްޓިވަލެއް ބާއްވައި، އެ ފެސްޓިވަލް ގެ ތެރެއިން މިއަދު ހަވީރު 4:00 ގައި ހުޅުމާލޭ ސެންޓްރަލް ޕާކުގައި ކުޑަކުދިންގެ ހަވީރެއް ބާއްވާކަން މިދިޔަ ބުރާސްފަތި ދުވަހު ވަނީ އިޢުލާން ކޮށްފައެވެ.
ނަމަވެސް މިއަދު ޔޫތު މިނިސްޓްރީން ވަނީ މޫސުން ގޯސް ވުމުގެ ސަބަބުން އެ ހަވީރުވެސް ނޯންނާނެ ކަން އިއުލާން ކޮށްފައެވެ. އަދި އެ ހަވީރު ފަހުން ބާއްވާނެ ކަމަށްވެސް ބުނެފައެއް ނުވެއެވެ.
"ދިވެހީންގެ ރާއްޖެ ފެސްޓިވަލް" ގެ ތެރެއިން މިރޭ މިޔުޒިކް ޝޯވް އަކާއި ހަވާ އެރުވުން ވެސް ބޭއްވުމަށް ހަމަޖެހުނެވެ.
ނަމަވެސް މޫސުން ގޯސްވުމުގެ ސަބަބުން އެ ދެ ހަރަކާތްވެސް ފަސްކުރަން ނިންމާފައިވާކަން ނިމިދިޔަ ހުކުރު ދުވަހު ޔޫތު މިނިސްޓްރީން ވަނީ ޢިއުލާން ކޮށްފައެވެ.
އެގޮތުން އެ ހަރަކާތް ކެންސަލް ކުރަމުން ޔޫތު މިނިސްޓްރީން ނެރުނު ބަޔާނެއްގައި ބުނީ، ފެސްޓިވަލްގައި ބައިވެރިވުމަށް ރާއްޖޭގެ އެކި ކަންކޮޅުތަކުގައި ތިބި ރައްޔިތުން ޝައުގުވެރިކަން އޮތް ކަމަށާ ނަމަވެސް މޫސުމާއިބެހޭ ގައުމީ އިދާރާއިން ރާއްޖޭގެ ސަރަހައްދުގެ މޫސުން ގޯސްވާނެ ކަމަށް ލަފާކޮށް މުޅި ރާއްޖެ ހިމެނޭހެން ރީނދޫ ސަމާލު ނެރެފައިވާތީ ދަތުރުފަތުރު ކުރުމުގައި ދިމާވާނެ ދަތިތަކާއި ގުޅިގެން ރޭގަނޑުގެ ހަރަކާތްތައް ފަސްކޮށްފައިވާ ކަަމަށެވެ.
އަދި މޫސުން ރަނގަޅުވުމުން ފެސްޓިވަލް ބާއްވާނެ ތާރީހެއް އިއުލާނު ކުރާނެ ކަމަށް ވެސް ބުނެފައިވެއެވެ.
Advertisement
This content is created and paid for by advertisers and does not involve Voice Journalists
