އަލް ޢަސްރުގެ ފަރާތުން އާންމުންނަށް ހުޅުވާލައިގެން ކުރިއަށް ގެންދާ "ކޫލްނަސް އޮފް ދަ އައިޒް" ނުވަތަ ލޯ ތަކުގެ ފިނިކަން ވޯކްޝޮޕް ފަށައިގެން ކުރިއަށްދާ ކަމަށް އެ ޖަމިއްޔާ އިން ބުނެފިއެވެ. 

ޢަލް އަސްރުގެ ނަމާދު ވޯކްޝޮޕް އިއްޔެ ފަށާފައިވާއިރު، އެ ވޯކްޝޮޕް ގައި ބައިވެރިވުމަށް ހުޅުވާލެވުނު ފުރުސަތުގައި ބޮޑު ތަރުހީބެއް ވަނީ ލިބިފައެވެ. އެގޮތުން ވޯކް ޝޮޕްގެ ޖާގަ ފުލްވެގެން ފުރުސަތު ބަންދު ކުރެވިގެން ދިޔަ އިރު ޖުމްލަ 86 ބައިވެރިން އޭގައި ބައިވެރިވެފައިވާ ކަމަށް ޢަލް އަސްރުން ބުނެއެވެ. އޭގެ ތެރޭގައި 30 އަންހެން ބޭފުޅުންނާއި 56 ފިރިހެން ބޭފުޅުން ހިމެނޭ ކަމަށް ބުނެފައިވެއެވެ. 

ލޯތަކުގެ ފިނިކަން ވޯކްޝޮޕް ތެރެއިން--ފޮޓޯ/އަލް ޢަސްރު

މި ވޯކްޝޮޕް ގެ ފުރަތަމަ ސެޝަން އިއްޔެ ބާއްވާފައި ވާއިރު، މިއަދު އެހެން ސެޝަންތައް ބާއްވައި މިރޭ ވޯކްޝޮޕް ނިމޭނެ ކަމަށް އަސްރުން ބުނެއެވެ. 

އަލް އަސްރުގެ މި ވޯރކްޝޮޕް ގައި ކިޔަވާ ދެއްވަނީ ރާއްޖޭގެ ފުންނާބު އުސް ދީނީ ޢިލްމުވެރިޔާ ޑރ. އާދަމް ޝަމީމެވެ. 

ލޯތަކުގެ ފިނިކަން ވޯކްޝޮޕް ތެރެއިން--ފޮޓޯ/އަލް ޢަސްރު

"ކޫލްނަސް އޮފް ދަ އައިސް" ނުވަތަ ލޯތަކުގެ ފިނިކަން ހާއްސަކުރެވިފައިވަނީ ރަމަޟާން މަސް ފެށުމުގެ ކުރިން ނަމާދުގެ ފިޤުހު ހަނދާންކޮށް އާލާ ކުރުމަށާއި ނަމާދާމެދު ހިތުގައި އުފެދިފައިވާ ސުވާލުތަކަށް ޖަވާބު ހޯދުމުގެ ފުރުސަތު އާންމުންނަށް މަގުފަހި ކޮޮށްދިނުމަށް ކަމަށް އަލް ޢަސްރުން ބުނެއެވެ. 

ލޯތަކުގެ ފިނިކަން ވޯކްޝޮޕް ތެރެއިން--ފޮޓޯ/އަލް ޢަސްރު

މި ވޯރކްޝޮޕް ގައި ނަމާދުގެ މަޤާމް، ޘަހާރަތާއި، ވުޟޫ އަދި ނަމާދު ތަކްބީރުން ފެށިގެން ސަލާމް ދިނުމާ ދެމެދުގައިވާ ޛިކުރުތަކާއި ހަރަކާތްތައް ކިޔައިދެވިގެންދާނޭ ކަމަށްވެސް އަލް ޢަސްރުން ބުނެފައިވެއެވެ.