ޖުމުލަ  925 އެއާ ޓުރެފިކް މޫވްމަންޓާއެކު  ވެލާނާ އިންޓަނޭޝަނަލް އެއާޕޯޓު (ވީއައިއޭ) އަށް މުޅިން އާ ރެކޯރޑެއް ޤާއިމު ކުރެއްވިއްޖެ ކަމުގައި މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން ބުނެފިއެވެ.

މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އިން މިފަދައިން ހާމަކޮށްފައިވަނީ މިއަދު އެޢިދާރާއިން އެކްސް ޕޯސްޓް މެދުވެރިކޮށް އާއްމުކޮށްފައިވާ މަޢުލޫމަތުންނެވެ.

އެމްސީއެލް އިން ބުނީ މިދިޔަ ހޮނިހިރު ދުވަހު އެކަނި ވީއައައިއޭގެ އެއާ ޓްރެފިކް މޫވްމަންޓްގެ އަދަދު 925 ގައި ރެކޯޑް ކުރެވިފައިވާ ކަމަށެވެ. އެއީ މިހާތަނަށް ވީއައިއޭގައި ރިކޯޑް ކުރެވުނު އެންމެ ގިނަ ޓްރެފިކް މޫވްމެންޓުކަން ވެސް ފާހަގަ ކޮށްފައިވެއެވެ.

އެމްސީއެލުން އިތުރަށް ބުނެފައިވަނީ ފްލައިޓް މޫވްމަންޓް އިތުރުވުމުގެ އެންމެ ބޮޑު ސަބަބަކީ ރާއްޖެއަށް ޖައްސަމުންދާ ޖެޓްތަކުގެ އަދަދު އިތުރުވެފައިވުމެވެ. އެގޮތުން އާ އަހަރާއި ދިމާކޮށް ކޮންމެ އަހަރެއްގެވެސް ޖެނުއަރީ މަހު ގިނަ އަދަދެއްގެ ޖެޓްތައް ރާއްޖެއަށް އާދެއެވެ. އޭގެ ތެރެއިން ވެސް މި އަހަރަކީ މިދުވަސް ވަރު މިހާތަނަށް އެންމެ ގިނަ އަދަދަކަށް ޕްރައިވެޓް ޖެޓް އައިސްފައިވާ އަހަރެވެ.

އެމްސީއެލް އިން އާއްމުކޮށްފައިވާ މަޢުލުމާތުން އެނގޭ ގޮތުގައި މިދިޔަ ހޮނިހިރު ދުވަހު ރެކޯރޑު ކުރެވުނު 925 އެއާ ޓުރެފިކް މޫވްމަންޓުގެ ތެރޭގައި ހިމެނެނީ 672 ސީޕްލޭންގެ މޫވްމަންޓާއި، އިންޓަނޭޝަނަލް 104 މޫވްމަންޓާއި، ޑޮމެސްޓިކް 116 މޫވްމަންޓާއި އަދި ޕްރައިވެޓް ޖެޓްތަކުގެ 33 މޫވްމަންޓެވެ.

އެމްސީއެލް އިން ބުނެފައިވާ ގޮތުގައި މިދިޔަ ހޮނިހިރު ދަވަހު 925 އެއާ ޓުރެފިކް މޫވްމަންޓާއެކު  އާ ރެކޯރޑެއް ހެދުމުގެ ކުރިން އެއް ދުވަހެއްގެ ތެރޭގައި އެންމެ ގިނަ އަދަދަކަށް އެއާ ޓްރެފިކް މޫވްމެންޓު ރެކޯރޑްގެ ގޮތުގައި ނޯޓްކުރެވިފައިވަނީ  861 އެއާ ޓްރެފިކް މޫވްމަންޓެވެ.

ވީއައިއޭގެ މި އާ ޓްރެފިކް މޫވްމެންޓު ރެކޯރޑާއި ގުޅިގެން  ވެލާނާ އެއާޕޯޓް ހިންގަމުންދާ މޯލްޑިވްސް އެއަރޕޯޓްސް ކޮމްޕެނީ (އެމްއޭސީއެލް)ގެ ޑެޕިއުޓީ މެނޭޖިންގ ޑިރެކްޓަރ އިބްރާހީމް ތޮހާ ވިދާޅުވީ މިކާމިޔާބީއަކީ މިކަމުގައި ޝާމިލުވާ ހުރިހާ ފަރާތްތަކެއް ގުޅިގެން ކުރަމުންދާ މަސައްކަތުގެ ނަތީޖާކަމަށެވެ.

"މި ފަދަ ދުވަހެއް މަގުފަހިކޮށްދިނުމުގައި އެއާލައިންތަކާއި އޮޕަރޭޓަރުންގެ ފަރާތުން ލިބުނު ހާއްސަ އެއްބާރުލުމަށް ޝުކުރު ދަންނަވަން،". އޭނާ ވިދާޅުވެފައިވެއެވެ.

ޖުމުލަ  925 އެއާ ޓުރެފިކް މޫވްމަންޓާއި އެކު  ވެލާނާ އިންޓަނޭޝަނަލް އެއާޕޯޓު (ވީއައިއޭ) އަށް މުޅިން އާ ރެކޯރޑެއް ޤާއިމުކުރެވިފައިވާ އިރު ވޭތުވެދިޔަ އަހަރުގެ ފުރަތަމަ ހަފުތާއަށް ވުރެ މިއަހަރުގެ ފުރަތަމަ ހަފުތާ ރާއްޖެ ޒިޔާރަތް ކުރި ފަތުރުވެރިންގެ އަދަދު 7 އިންސައްތަ އިތުރުކަމަށް ފަތުރުވެރިކަމާއި ބެހޭ ވުޒާރާއިން ހާމަކުރައްވައެވެ.