މިއަދު ކުރިއަށްދާ މާލެ ސިޓީ ކައުންސިލްގެ ހުސްވެފައިވާ ގޮނޑިތަކުގެ ބައި އިލެކްޝަންގެ ވޯޓުލުމުގައި މާލޭ ސިޓީ މޭޔަރުކަމަށް ދަ ޑިމޮކްރެޓްސްގެ ފަރާތުން ވާދަކުރައްވާ މުހައްމަދު ސައިފް ފާތިހް ވެސް ވޯޓުލައްވައިފިއެވެ.
ބައި އިލެކްޝަންގައި ސައިފް ވޯޓުލައްވައިފައިވަނީ، މަޖީދިއްޔާ ސުކޫލްގައި ހުންނަ ދެ ނަންބަރު ވޯޓް ފޮށްޓަށެވެ.
ވޯޓު ލެއްވުމަށްފަހު ދެއްވި ބަސްދީގަތުމެއްގައި ސައިފް ވިދާޅުވީ، ޑިމޮކްރެސީއަކީ ފާޑެއްގެ އެއްޗެއް ކަމަށާއި އޭގެ އުސޫލުތަކާއި ހަމަތައް ހުންނަގޮތުން ވޯޓުލުން މަތީން ގިނަ އަދަދެއްގެ ބަޔަކު ފޫހިވެފައިވާ ކަމަށެވެ.
އެހެންނަމަވެސް ހުރިހާ ބޭފުޅުންވެސް އަވަހަށް ވަޑައިގެން ވޯޓުލެއްވުމުގައި ބައިވެރިވުމަށް އަޅުގަނޑު އެދެން
މުހައްމަދު ސައިފް ފާތިހް
މާލޭގެ މޭޔަރުގެ މަގާމަށް ބޭފުޅަކު ހޮވާށާއި މާލޭ ކައުންސިލުންގެ ތިން ގޮނޑިއަަކަށް މެންބަރުން ހޮވުމުގެ އިންތިހާބުގައި ވޯޓުލުން ފެށީ މިއަދު ހެނދުނު 8:00 ޖެހި އިރެވެ. މި އިންތިހާބުގައި ވޯޓުލުން މިއަދު ހަވީރު 5:00 ޖަހަންދެން ކުރިޔަށް ގެންދާނެ އެވެ.
މާލޭ ސިޓީގެ މި އިންތިހާބުގައި ވޯޓުލުމުގެ ހައްގު 54،680 މީހުންނަށް ލިބެއެވެ.
މިއަދުގެ ބައި އިލެކްޝަންތަކުގައި މޭޔަރުގެ އިތުރުން މާލޭ ކައުންސިލުގެ މާފަންނު ދެކުނު ދާއިރާ އާއި ހެންވޭރު ދެކުނު ދާއިރާ އާއި މެދުހެންވޭރު ދާއިރާއަށް ކައުންސިލަރުން ހޮވުމަށް ވޯޓުލާނެ އެވެ.
Advertisement
This content is created and paid for by advertisers and does not involve Voice Journalists
