ރައްޔިތުން މަޖިލސް އިންތިހާބުގައި ޕީޕީއެމް/ޕީއެންސީގެ ޓިކެޓްގައި ވާދަކުރައްވަން ނަން ހުށައެޅުއްވި އެންމެންނަށްވެސް ޕްރައިމަރީގައި ވާދަކުރެވޭނެކަމަށް ރައީސުލްޖުމުހޫރިއްޔާ އަދި ޕީއެންސީގެ ރައީސް ޑރ. މުހައްމަދު މުއިއްޒު މިއަދު ނިންމަވައިފިއެވެ.

މިކަން ހާމަކުރައްވާފައިވަނީ ޕީއެންސީގެ ޗެއާޕާސަން އަބްދުއްރަހީމް އަބްދުالله "އެކްސް" މެދުވެރިކޮށް ކުރެއްވި ޕޯސްޓެއްގައެވެ. 

އަބްދުއްރަޙިމްގެ ޕޯސްޓުގައި ވިދާޅުވެފައިވަނީ  ޕީޕީއެމް/ޕީއެންސީގެ ކޯލިޝަންގެ ޕްރައިމަރީގައި ވާދަކުރެއްވުމަށް ނަން ހުށައެޅުއްވި ހުރިހާ ފަރާތްތަކަށް ފުރުޞަތު ދިނުމަށް ރައީސް ޑރ. މުހައްމަދު މުއިއްޒު ނިންމަވައިފި ކަމަށެވެ. 

Advertisement

ރައީސް މިގޮތަށް ނިންމަވާފައި މިވަނީ ޕީޕީއެމް/ޕީއެންސީގެ ކޯލިޝަންގެ ޕްރައިމަރީގައި ވާދަކުރެއްވުމަށް ނަން ހުށައެޅުއްވި ބައެއް ފަރާތްތައް ޕްރައިމަރީގައި ބައިވެރިވުމުގެ ޝަރުތު ހަމަ ނުވާކަމަށް ބުނެ ޕަރައިމަރީގައި ވާދަނުކުރެވޭނެ ގޮތް ހެދުމާއި ގުޅިގެން އެ ކޯލިޝަންގެ ތެރޭގައި ނުތަނަވަސްކަން އުފެދިފައިވާ ދަނޑިވަޅެއްގައެވެ. 

މިކަމަށް އިޝާރާތް ކުރައްވާ ޢަބުދުއްރަޙީމުގެ އެކްސްޕޯސްޓްގައި ވިދާޅުވެފައިވަނީ ޕީ.ޕީ.އެމް/ޕީ.އެން.ސީގެ ޕްރައިމަރީގައި ވާދަކުރައްވަން ނަން ހުށަހެޅުއްވި ބައެއް ބޭފުޅުންނަށް ކުރިމަތި ނުލެވޭގޮތަށް ނިންމުމާއި ގުޅިގެން ހުށަހެޅުނު ޝަކުވާތަކަށް ރިޢާޔަތް ކުރެއްވުމަށްފަހު ރައީސް އެގޮތަށް ނިންމެވީ ކަމަށެވެ. 

" ޕީ.ޕީ.އެމް/ޕީ.އެން.ސީގެ ޕްރައިމަރީގައި ވާދަކުރައްވަން ނަން ހުށަހެޅުއްވި ބައެއް ބޭފުޅުންނަށް ކުރިމަތި ނުލެވޭގޮތަށް ނިންމުމާ ގުޅިގެން ހުށަހެޅުނު ޝަކުވާތަކަށް ރިޢާޔަތް ކުރެއްވުމަށްފަހު،ޕްރައިމަރީގައި ވާދަކުރަން ނަން ހުށަހެޅުއްވި ހުރިހައި ބޭފުޅުންނަށް ވާދަކުރެއްވޭގޮތަށް ޕްރައިމަރީ ބާއްވަން ޕާޓީގެ ރައީސް،ރައީސް ޑރ.މުޙައްމަދު މުޢިއްޒު ނިންމަވައިފި." ޢަބުދުއްރަޙިމްުގެ ޕޯސްޓުގައި ވިދާޅުވެަފއިވެއެވެ. 

ޕީ.ޕީ.އެމް/ޕީ.އެން.ސީގެ ޕްރައިމަރީ ބޭއްވުމަސް ހަމަޖެހިފައިވަނީ މިމަހުގެ 27 ވާ ހިނިހިރުދުވަހުއެވެ.