ރާއްޖޭގެ އެންމެ ބޮޑު ޕާޓީ، އަދި އިދިކޮޅު މައި ޕާޓީ، މޯލްޑިވިއަން ޑިމޮކްރެޓިކް ޕާޓީ، އެމްޑީޕީގެ ރައީސް ކަމުގެ މަގާމަށް އެ ސަރުކާރުގެ ޚާރިޖީ ވަޒީރު، އަބްދުالله ޝާހިދު އިންތިޚާބުވެއްޖެ އެވެ.
މިކަން އިއުލާންކޮށް، މިއަދު އެމްޑީޕީން ބުނީ، އެޕާޓީގެ ރައީސްކަމަށް ކުރިމަތިލުމަށް ހުޅުވާލި މުއްދަތުހަމަވިއިރު، އެމަޤާމަށް ކުރިމަތިލާފައިވަނީ ހަމައެކަނި ޝާހިދު ކަމަށް ވުމުން، އެއްވެސް އިންތިޚާބަކާއިނުލާ އޭނާ އެ މަގާމަށް ހޮވިފައިވާކަމަށެވެ.
އެމްޑީޕީގެ ރައީސް ކަމުގެ މަޤާމަށް ކުރިމަތިލުމުގެ ފުރުސަތު ހުޅުވާލީ މިއަދުގެ 14:00 އާއި ހަމައަށެވެ.
ޝާހިދު އެމްޑީޕީގެ ރައީސް ކަމަށް ކުރިމަތިލީ އައު ފޯރިޔަކާއި އައު ޖޯޝަކާއި އެކު، އާބާރެއްގައި އެމްޑީޕީ ނިކުމެ ރައްޔިތުން އެދޭ މިސްރާބަށް ރަާއްޖެ އަލުން ގެންދިޔުމަށް ކަމަަށް އޭނާ ވިދާޅުވެފައިވެއެވެ.
އެމްޑީޕީގެ ރައީސްކަމުގެ މަޤާމް ހުސްވެގެން ދިޔައީ ކުރިން އެމަގާމުގައި ހުންނެވި ކުރީގެ ރައީސް މުޙައްމަދު ނަޝީދާއި ނިމިދިޔަ ސަރުކާރުގައި ވެރިކަން ކުރެއްވި އިބްރާހީމް މުޙައްމަދު ޞާލިހް އާއި ދެބޭފުޅުންގެ ދެމެދުގައި އުފެދުނު ދެކޮޅުވެރި ކަމާއި ގުޅިގެން ނަޝީދު އެމްޑީޕީން ވަކިވެވަޑައިގެން ރައީސްކަމުގެ މަޤާމުން އިސްތިއުފާ ދެއްވުމާއި ގުޅިގެންނެވެ.
މިވަގުތު އެމްޑީޕީގެ ވަގުތީ ރައީސްއެއްގެ ގޮތުގައި ހުންނެވީ ޞާލިހެވެ.
Advertisement
This content is created and paid for by advertisers and does not involve Voice Journalists
