ހުޅުމާލެއިން 25 އަހަރުގެ ޒުވާނަކު ގެއްލިގެން ރިޕޯޓްކުރުމާއި ގުޅިގެން އޭނާ ހޯދުމުގެ މަސައްކަތް ދިވެހި ފުލުހުންގެ މުއައްސަސާއިން ފައްޓަވައިފިއެވެ.

ފުލުހުން ބުނިގޮތުގައި ގެއްލިގެން ހޯދަމުންދަނީ މއ.ޕެރީހީލިއަން / ކ.މާލެ، އަކްރަމް ޢަދީލް ސަޢީދު (25އ) އެވެ.

މި ޒުވާނާ އާއި ބެހޭގޮތުން ފުލުހުންގެ އިދާރާއިން އިތުރަށް ބުނެފައިވަނީ އޭނާ އާއިލާއަށް ހަބަރެއްނުވެ ގެއްލިފައިވާ ކަމަށް ރިޕޯޓްކޮށްފައިވަނީ މާރިޗު 25 ވަނަ ދުވަހުގެރޭ 19:22 ހާއިރު ވަނަ ދުވަހުކަމަށާއި، އަދި އޭނާ އެންމެ ފަހުން ފެނިފައިވަނީ މާރިޗު މަހުގެ 23 ވަނަ ދުވަހުގެ 13:15 ހާއިރު، އޭނާ މިހާރު ދިރިއުޅޭ ގެ، ހުޅުމާލެ ދެވަނަ ފިޔަވަހީގެ އެޗް15 ފްލެޓުން ކަމަށެވެ.

އޭނާއާ ގުޅޭ އެއްވެސް މަޢުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ހުޅުމާލޭ ފޭސް 2 ޕޮލިސް ސްޓޭޝަން ނަންބަރު، 3035336 އަށް ގުޅުއްވާ އެމަޢުލޫމާތު ހިއްސާކޮށްދެއްވުމަށް ފުލުހުން ވަނީ އެދިފައެވެ.

މިފަހަކަށް އައިސް މީހުންނާއި ކުދިން ގެއްލިގެން ފުލުހުންގެ ޢިދާރާއިން މިފަދަ އިއުލާނުތައް ކުރަމުންގެންދެއެވެ.