މި ސަރުކާރުން އެކުލަވާލާފައިވާ މެނިފެސްޓޯގައި ހިމެނޭ ކަންކަން ތަންފީޒުކުރަން ރައްޔިތުންގެ މަޖިލީހުން 200 އަށް ވުރެ ގިނަ ބިލު ފާސްކުރަން ޖެހޭ ކަމަށް ރައީސް ޑރ. މުހައްމަދު މުއިއްޒު ރޭ ވިދާޅުވެއްޖެއެވެ.
ހުޅުމާލެ ދެވަނަ ފިޔަވަހީގެ ހިޔާ ސަރަހައްދުގައި ރައްޔިތުންނަާ ރޭގައި ބައްދަލުކުރައްވާ ރައީސް މުޢިއްޒު ވާހަކަފުޅު ދައްކަވަމުން ރައީސް ވިދާޅުވީ، ރައްޔިތުންގެ މަޖިލީހުން ބަޖެޓު ފާސްކޮށްގެން މެނުވީ ކަންކަމެއް ނުކުރެވޭނެ ކަމަށެވެ.
އަދި މިހާރު އެމަނިކުފާނުމެން ޢަމަލުކުރައްވަމުން އެ ގެންދަވާ ބަޖެޓު ފާސްކުރެއްވީ މި ސަރުކާރުގެ ފަރާތުން ނޫންކަަމަށްވެސް ވިދާޅުވިއެވެ.
މިހާރު މެޖޯރިޓީ އޮތް މަޖިލީހުން، އެމްޑީޕީގެ އޭރުގެ ސަރުކާރުގެ މިނިސްޓަރު ހުށަހަޅުއްވައިގެން، އަޅުގަނޑުމެންނަށް ދިން ފުރުސަތުގައި އަޅުގަނޑުވީ ވަޢުދުތައް ފުއްދުމަށްޓަކައި ހިމެނި މަޝްރޫޢުތައް އެބޭފުޅުން ބޭނުން ގޮތަކަށް ކޮށާ މަށާފައި، ނިންމި ގޮތަކަށް ނިންމާ ފާސްކުރި ބަޖެޓަކުން އަޅުގަނޑުމެން މަސައްކަތް ކުރަމުން މިދަނީ
ރައީސް މުޢިއްޒު ވިދާޅުވިއެވެ.
ރައީސް މުޢިއްޒު ވިދާޅުވީ އެ މިސާލުން އެކަނިވެސް މަޖިލީހަކޫ ކިހާ ބާރުގަދަ ތަނެއްކަން އެނގިލައްވާނެ ކަމުގައެވެ.
ތަރައްގީއެއް މަޖިލީހާ ނުލާ ނުގެނެސްދެވޭނެކަމަށް ރައީސް މުޢިއްޒު ވިދާޅުވީ، ސަރުކާރު ކެންޑިޑޭޓުން މަޖިލީހަށް އިންތިޚާބުކުރަންވީ މިސަބަބުތަކަށްޓަކައި ކަމަށެވެ.
ރައީސް މުޢިއްޒު އިތުރަށް ވިދާޅުވީ، މެނިފެސްޓޯ ތަންފީޒުކުރެއްވުމަށް މިވަގުތުވެސް 200 އަށްވުރެން ގިނަ ގާނޫނު އިސްލާހުކުރަން ޖެހިފައިވާ ކަމުގައެވެ. އެގޮތުން، ބިމާ ބެހޭ އާ ބިލަކާއި، ބޯހިޔާވަހިކަމާއި ބެހޭ ހާއްސަ ބިލެއްގެ އިތުރުން ރިއަލް އެސްޓޭޓާއި ބެހޭ ބިލަކާއި އަދިވެސް އިތުރު ބިލުތަކެއް މަޖިލީހަށް ހުށަހަޅާ ފާސްކޮށްގެން މެނުވީ މެނިފެސްޓޯގައި އެމަނިކުފާނު ވީ ވަޢުދުތައް ފުއްދުމަށް ދަތިފުޅުވާނެކަމަށްވިދާޅުވިއެވެ.
ރައީސް މުޢިއްޒު ވަނީ އެކަންކަން ތަންފީޒުކުރުމަށް ސަރުކާރު ކެންޑިޑޭޓުން އިންތިހާބުކުރުމަށް އެދިވަޑައިގެންފައެވެ.
Advertisement
This content is created and paid for by advertisers and does not involve Voice Journalists
