ތަފާތު ބޮޑެތި ކުށްތަކަކަށް އަރައިގަތުމަށް "ޖަޒީރާ" ނަމުގައި ހިންގަމުން ދިޔަ ޓެލެގްރާމް ޗެނަލްތަކުގެ މައްސަލަގާއި, 60 އަހަރުގެ މީހަކު ހައްޔަރުކޮށްފިއެެވެ. 

ބޮޑެތި ކުށްތަކަށް އަރައިގަތުމަށް "ޖަޒީރާ އެޑްމިން"، "ޖަޒީރާ ގާރލްސް"، "ޖަޒީރާ އެސްކޯޓް ގެލެރީ"، "ޖަޒީރާ ސްކޭމް އެލާޓް" އަދި "ޖަޒީރާ ލިންކް ޚަބަރު"ގެ ނަމުގައި މިދިޔަ އަހަރުގެ އޭޕްރީލް މަހުން ފެށިގެން ހިންގަމުންދިޔަ ޓެލެގްރާމް ޗެނަލްތައް ސީޒްކޮށް އެ ފަސް ޗެނަލް ހިންގިކަމުގެ ތުޙުމަތުގައި ދެމީހަކު ހައްޔަރުކުރީ މިދިޔަ މާޗް މަހުގެ ހަވަނަ ދުވަހުގައެވެ.

އެގޮތުން ހައްޔަރުކޮށްފައިވަނީ 28 އަހަރުގެ ދިވެހި ފިރިހެނަކާއި 39 އަހަރުގެ ދިވެހި އަންހެކެވެ. މި ދެ މީހުން ހައްޔަރުކޮށްފައިވަނީ ހަތަރު ތަނެއް ބަލައި ފާސްކޮށް، މި މައްސަލައާއި ގުޅުންހުރި ބައެއް ތަކެތި ފުލުހުން ބެލުމުގެ ދަށަށް ގެންދިޔުމަށްފަހުއި ކަމަށް އެކަމާއި ގުޅިގެން ބޭއްވި ނޫސްވެރިންގެ ބައްދަލުވުމުގައި ފުލުހުން ޗަނީ ބުނެފައެވެ. 

އަދި ހަށިވިއްކުން ފަދަ ކުށްތައް އެ ޗެނަލް މެދުވެރިކޮށް ކުރަމުންދިޔައިރު އެކަން ކަމަށް ޚާއްސަ ޓެކްސީއެއްވެސް އެމީހުން ބޭނުން ކުރި ކަމަށް ފުކުހުން ބުންޏެވެ. 

މި މައްސަލައާއި ގުޅިގެން ފުލުހުން މިއަދު ބުނީ، މި މައްސަލައާއި ގުޅިގެން މާޗް މަހުގެ 30 ވަނަ ދުވަހު އިތުރު މީހަކު ހައްޔަރުކޮށްފައިވާކަމަށެވެ. ހައްޔަރުކޮށްފައިވަނީ 60 އަހަރުގެ ދިވެހި ފިރިހެނެކެވެ. 

އެމީހާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން 15 ދުވަސް ދީފައިވެއެވެ. އަދި ދެވަނަ މުއްދަތަށްވެސް 15 ވަނަ ދުވަސް ވަނީ ދީފައެެވެ. 

މައުލޫމާތު ލިބުފައިވާ ގޮތުގައި އެ ހައްޔަރު ކުރި މީހާ އަކީ ޓެކްސީ ޑްރައިވަރެވެ. 

މި މައްސަލައިގައި ހައްޔަރުކޮށްފައިވާ މީހުންގެ މައްޗަށް މަނީ ލޯންޑްރިންގއާއި ޑްރަގް ޓްރެފިކިންގއާއި ހަށި ވިއްކުމާއި، ހަށި ވިއްކުމަށް ހިތްވަރު ދިނުމާއި، އޮރިޔާން ކާޑު އުފެއްދުމާއި އޮރިޔާން ކާޑު ބެހުމުގެ ކުށަށް ތުޙުމަތުކުރެވޭކަމަށް ފުލުހުން ވަނީ ބުނެފައެވެ. މީގެއިތުރުން މި މީހުންގެ މާލީ މުއާމަލާތުތަކަށް ބަލާއިރު، އެމީހުން ކުރާ މަސައްކަތާ ނުބައްދަލު ގިނަ އަދަދެއްގެ މާލީ މުއާމަލާތުތަކެއް ކޮށްފައިވާކަން ތަހުގީގަށް ފާހަގަކުރެވިފައިވާކަމަށްވެސް ފުލުހުން ވަނީ މައުލޫމާތު ދީފައެވެ.