Advertisement
ވަރަށް އަވަހަށް އެސްއޯއީ ރިފޯމް ޕްރޮގްރާމެއް ފަށަން ސަރުކާރުން ބޭނުންވޭ: ވަޒީރު ޝަފީޤް
އެސްއޯއީ ރިފޯމް ޕްރޮގްރާމެއް ވަރަށް އަވަހަށް ފައްޓައިގެން ކުރިއަށް ގެންދިއުމަށް ސަރުކާރުން ބޭނުންވާކަމަށް މާލީ ވަޒީރު ޑރ. މުޙައްމަދު ޝަފީޤް ވިދާޅުވެއްޖެއެވެ.
ޕީއެސްއެމް ނިއުސްއަށް ދެއްވި ޚާއްޞަ އިންޓަވިއުއެއްގައި ވަޒީރު ޝަފީޤް ވިދާޅުވީ، ދައުލަތުގެ ގިނަ ކުންފުނިތައް ހިންގަމުންދަނީ އެންމެ ޒިންމާދާރުކަމައެކު ނޫންކަމަށާއި ކުންފުނިތަކަށް ލިބޭ އާމްދަނީއަށްވުރެ ޚަރަދުތައް ބޮޑުވާކަމަށެވެ.
އެހެންކަމުން، އެސްއޯއީ ކުންފުނިތައް ހަރުދަނާކުރުމަށްޓަކައި ކެބިނެޓަށް ކަރުދާހެއް ހުށައަޅާ ފާސްކުރެވިފައިވާ ކަމަށާއި، މިނިސްޓްރީ އޮފް ފިނޭންސްގަ އެ އެސްއޯއީ ރިފޯމް ޕްރޮގްރާމަށް ހަދަންޖެހޭ ސްޑަޑީޒްތައް ވަނީ ހެދިފައިވާއިރު، މަސައްކަތް ވަރަށް އަވަހަށް ފައްޓާނެ ކަމަށް ވަޒީރު ޝަފީޤް ވިދާޅުވިއެވެ.
"އެހެންކަމުން އަޅުގަނޑު ދެކެން އެންމެ ރަނގަޅަށް ނުހިނގާ ކުންފުނިތައް ކޮންގޮތަކަށްތޯ އެކުންފުނިތައް ހިންގާނީ. ކޮން ބަދަލުތަކެއްތޯ ގެނެވޭނީ. އެސްއޯއީ ކުންފުނިތައް ހަރުދަނާކޮށް ނުވަތަ ރިފޯމްކުރުން. ސަރުކާރުން ވަރަށް ބޮޑަށް ބޭނުންވޭ އެސްއޯއީ ރިފޯމް ޕްރޮގްރާމެއް ވަރަށް އަވަހަށް ފަށްޓައިގެން ކުރިއަށް ގެންދިއުމަށް. މިހާރު ކެބިނެޓަށްވަނީ ކަރުދާހެއް ހުށައަޅާ ފާސްކުރެވިފައި. މިނިސްޓްރީ އޮފް ފިނޭންސްގަ އެ އެސްއޯއީ ރިފޯމް ޕްރޮގްރާމަށް ހަދަންޖެހޭ ސްޑަޑީޒްތައް ވަނީ ހެދިފަ. އިރާދަކުރެއްވިއްޔާ އިމްލިމަންޓް ކުރުމުގެ މަސައްކަތް ވަރަށް އަވަހަށް ފަށްޓާނަން."
ވަޒީރު ޝަފީޤް ވިދާޅުވިއެވެ.
ވަޒީރު ޝަފީޤް ވިދާޅުވީ، ދައުލަތުން ސަބްސިޑީ ދިނުމުގެ އުސޫލަށްވެސް ބޮޑެތި ބަދަލުތަކެއް ގެންނަންޖެހިފައިވާކަމަށާއި، ދައުލަތަށް ލިބޭ އާމްދަނި ޚަރަދުކުރަންވާނީ ޒިންމާދާރުކޮށް ޚަރަދު ކުޑަކޮށްގެންކަމަށެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
