ފަހި ދިރިއުޅުން ކޯޕަރޭޝަން (އެފްޑީސީ) އިން ބައިނަލްއަޤްވާމީ ރައްކާތެރިކަމުގެ ދުވަސް ފާހަގަކޮށްފިއެވެ.
ބައިނަލްއަޤްވާމީ ރައްކާތެރިކަމުގެ ދުވަސް ފާހަގަކުރުމަށް މިއަދު މެންދުރުފަހު އެފްޑީސީއިންވަނީ ޚާއްސަ ރަސްމިއްޔާތެއް ބާއްވާފައެވެ. މި ރަސްމިއްޔާތުގައި ރައްކާތެރިކަން ކަށަވަރުކުރުމަށް އެފްޑީސީއިން އަޅާފައިވާ ފިޔަވަޅުތައް ޙިއްސާކޮށްފައިވެއެވެ. އެގޮތުންއެފްޑީސީގެޕްރޮޖެކްޓްސް އަދި ޕްލޭނިން ޑިޕާޓުމަންޓުން ޢަމަލުކުރަމުންދާ ބައެއްއުސޫލުތަކާއި ޤަވާއިދުތައް ހިއްސާކޮށްފައިވެއެވެ.
ރަސްމިއްޔާތުގައި ވާހަކަދައްކަވަމުން އެފްޑީސީގެ މެނޭޖިން ޑިރެކްޓަރ ހަމްދާން ޝަކީލް ވިދާޅުވީމަސައްކަތުގެ މާހައުލުގައި ރައްކާތެރިކަންދެމެހެއްޓުމަށް އަޅަން ޖެހޭ ފިޔަވަޅުތައް އެ ކުންފުނިން އަޅާފައިވާކަމަށެވެ. އަދި މަސައްކަތްތެރިންގެސަލާމަތާއި ރައްކާތެރިކަން ކަށަވަރުކުރުމަށް މަސައްކަތުގެ މާހައުލުގައި އަޅަން ޖެހޭ އެންމެހާ ފިޔަވަޅުތައް ޤަވާއިދާ އެއްގޮތުގެ މަތިން އަޅާފައިވޭތޯ ބެލުމަށް ޚާއްސަ ޓީމެއް ވެސް، މަސައްކަތް ކުރަމުން ދާކަމަށް ހަމްދަާން ވިދާޅުވިއެވެ.
"ޢިމާރާތް ކުރުމުގެ މަސައްކަތްތައް ޒިންމާދާރު ކަމާއެކު، ރައްކާތެރިކަމުގެ މިންގަނޑުތަކާ އެއްގޮތްވާ ގޮތުގެ މަތިން ކުރިއަށް ގެންދިޔުމަށްޓަކާ ހަރުދަނާ ނިޒާމުތަކާއި، އިޖުރާއަތްތައް އެފްޑީސީއިން ތަންފީޒުކުރަމުން ދޭ"
ހަމްދާނު ވިދާޅުވިއެވެ.
މި އަހަރުގެ ބައިނަލް އަޤްވާމީ ރައްކާތެރިކަމުގެ ދުވަހުގެޝިޢާރަކީ "އެންޝުއަިން ސޭފްޓީ އެންޑް ހެލްތް އެޓް ވޯކް އިން ޗެލެންޖިން ކްލައިމެޓް އެވެ.
Advertisement
This content is created and paid for by advertisers and does not involve Voice Journalists
