ކޮޕީރައިޓް ގާނޫނުގެ ދަށުން ހިމާޔަތް ލިބިދޭ އުފެއްދުން ތަކާއި، އެނޫން އުފެއްދުންތަކުގެ ތަފްސީލް އެނގޭ ހެން ކޮޕީރައިޓްގެ ގާނޫނަށް ބަދަލު ގެނައުމަށް އިސްލާހު ހުށަހަޅައިފިއެވެ.
މި އިސްލާހު ހުށަހެޅުއްވީ ސަރުކާރުގެ ފަރާތުން ކުރެންދޫ ދާއިރާގެ މެންބަރު އަބްދުލް ޣަނީ އަބްދުލް ޙަކީމެވެ.
މި ބިލު ހުށަހެޅުމުގެ މަގުސަދުގެ ގޮތުގައި އަބްދުލް ޣަނީ ވިދާޅުވީ، ކޮޕީރައިޓާއި އެއާއި ގުޅޭ އެހެނިހެން ހައްގު ތަކުގެ ގާނޫނުގެ ދަށުން ހިމާޔަތް ލިބިދޭ އުފެއްދުން ތަފްސީލް ކުރުމާއި، ގާނޫނުގެ ދަށުން ކޮޕީ ރައިޓްގެ ހައްގު ތަކަށް އަރައުގަތް ކަމަށް ނުބެލެވޭ އިސްތިސްނާ ހާލަތްތައް ކަނޑައެޅުން ކަމަށެވެ.
އެގޮތުން ނުކުޅެދުންތެރިކަން ހުންނަ ފަރާތްތަކަށް ލިބުދޭ އިސްތިސްނާ އާއި، ވިޔަފާރި ފައިދާ އަކަށް ނުވާ ގިތަށް ދިރާސާ ކުރުމުގެ ބޭނުމަށް ލިބުދޭ އިސްތިސްނާ ކަނޑައެޅުން ހިމެނޭ ކަމަށް އޭނާ ފާހަގަ ކުރެއްވިއެވެ.
މީގެ އިތުރުން ކޮޕީ ރައިޓްގެ ގާނޫނުގައި އުފެއްދުމެއްގެ އިގްތިޞާދީ އަދު އަޚްލާގީ މުއްދަތުގެ ގޮތުގައި ކަނޑަ އަޅާފައިވާ 50 އަހަރު 70 އަހަރަށް ބަދަލު ކުރުމަށްވެސް އިސްލާހުގައި ހުށަހަޅާފައުވެއެވެ.
އަބްދުލް ޣަނީ ވިދާޅުވީ، އެ ގާނޫނަށް ގެންނަ އިސްލާހާއެކު، ކޮޕީ ރައިޓާއި މުސައްނިފުންގެ ހައްގުތައް އިތުރަށް ހަރުދަނާ ކުރެވިގެން ދާނެ ކަމަށެވެ. އަދި ލިބޭ ގެއްލުން ތަކަށް ބަދަލު ހޯދުމާއި، ކޮޕީ ރައިޓްގެ ހައްގު ލިބުގެންވާ ފަރާތްތަކުގެ ޖަމިއްޔާ އެއްވެސް ގާނޫނުގެ ދަށުން އުފެދިގެންދާނެ ކަން އޭނާ ފާހަގަކުރެއްވިއެވެ.
އެހެން ކަމުން އެ ގާނޫނަށް ގެނެވޭ އިސްލާހާއެކު ގިނަ ބައެއްގެ ހައްގުތައް ސަލާމަތް ކުރެވި ކަށަވަރު ކުރެވިގެންދާނެ ކަމަށް އޭނާ ވިދާޅުވުއެވެ.
Advertisement
This content is created and paid for by advertisers and does not involve Voice Journalists
