މި އަހަރުގެ ތެރޭގައި ހުރިހާ އަތޮޅު ހޮސްޕިޓަލެއްގައި ޑައިލިސިސްގެ ހިދުމަތް ފެށިގެން ދާނެ ކަމަށް ސިއްޙަތާއި ބެހޭ ވަޒީރު ޑރ. އަބްދުالله ޙަލީލް ވިދާޅުވެއްޖެއެވެ.
މިއަދު ރައްޔިތުންގެ މަޖިލީހަށް ހާޒިރުވެވަޑައިގެން ހޯރަފުށީ ދާއިރާގެ މެމްބަރު އަހުމަދު ސަލީމް އައިޖީއެމްއެޗުން ފޯރުކޮށްދޭ ޚިދުމަތުގެ ފެންވަރާއި ގުޅޭގޮތުން ދެންނެވި ސުވާލަށް ޖަވާބު ދެއްވަމުން ވަޒީރު ޙަލީލްނ ވިދާޅުވީ، އައިޖީއެމްއެޗަށް ބާރު ބޮޑުވާ ބޮޑުވުން ކުޑަކުރެވޭނީ އަތޮޅުތަކުގެ ހޮސްޕިޓަލުތަކުގެ ފެންވަރު ރަނގަޅުކޮށްގެންކަމަށާއި އަތޮޅުތަކާއި ރީޖަނަލް ހޮސްޕިޓަލްތަކުގެ ޚިދުމަތުގެ ފެންވަރު ރަނގަޅު ކުރުމަށް ގިނަ މަސައްކަތްތަކެއް ފަށާފައިވާކަމަށެވެ.
ވަޒީރު ޙަލީލް ވިދާޅުވީ، އަތޮޅުތެރޭގެ ހޮސްޕިޓަލްތަކުގައި ނެތް ހިދުމަތްތައް ތައާރަފް ކުރުމުގެ މަސައްކަތް ކުރައްވަމުން ގެންދަވާ ކަމަށާއި އޭގެ ތެރޭގައި އެމްއާރްއައި އާއި ސީޓި ސްކޭން ގެ އިތުރުން ޑައިލަސިސްގެ ޚިދުމަތް ވެސް ހިމެނޭ ކަމަށެވެ.
"މި އަހަރުގެ ތެރޭގައި ހުރިހާ އަތޮޅު ހޮސްޕިޓަލެއްގައި ޑައިލިސިސްގެ ހިދުމަތް ފެށިގެން ދާނެ، އެއާއެކު، އައްޑޫ އިކުއިޓޯރިއަލް ހޮސްޕިޓަލާއި ތިނަދޫ ރީޖަނަލް ހޮސްޕިޓަލާއި ކުޅުދުއްފުށީ ރީޖަނަލް ހޮސްޕިޓަލް، ރ. އުނގޫފާރު ރީޖަނަލް ހޮސްޕިޓަލް، މި ތަންތަނުގައި ހިދުމަތް ރަނގަޅުކުރުމަށްޓަކައި ހާއްސަ ޕްލޭނެއްގެ ދަށުން މަސައްކަތްތައް ކުރިއަށް އެބަ ގެންދަން."
ވަޒީރު ޙަލީލް ވިދާޅުވިއެވެ.
ހަމައެއާއިއެކު ވަޒީރު ޙަލީލް ވިދާޅުވީ، މި ހިދުމަތްތައް އަތޮޅު ތެރޭގައި ފުޅާ ކުރުމުން މާލެ އަށް އޮންނަ ބާރު ކުޑަވެގެން ދާނެކަމަށެވެ.
Advertisement
This content is created and paid for by advertisers and does not involve Voice Journalists
