މާފުށްޓާއި ގުރައިދޫއަށް ކުރި ވިއްސާރައިގެ ސަބަބުން އެ ދެ ރަށަށް ލިބުނު ގެއްލުންތައް ބައްލަވާލެއްވުމަށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވަޒީރު އާދަމް ޝަރީފް އުމަރު އެދެރަށަށް ޒިޔާރަތްކުރައްވައިފި އެވެ.
ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާއިން ވިދާޅުވީ، މާފުށްޓާއި ގުރައިދޫއަށް ވާރޭވެހުމުގެ ސަބަބުން ލިބުނު ގެއްލުން ބައްލަވައިލެއްވުމަށް ވަޒީރު އާދަމް ޝަރީފް ޢުމަރު އިއްޔެ އެރައްތަކަށް ޒިޔާރާތް ކުރައްވާފައިވާ ކަމަށެވެ. އަދި މި ޒިޔާރާތުގައި އެ ވުޒާރާގެ އިސްވެރިންނާއެކު، ގެއްލުން ލިބުނު ގެތަކަށް ވަޒީރު ވަޑައިގަންނަވާ އާޢިލާތަކާއި ބައްދަލުކުރެއްވިކަންވެސް ވުޒާރާއިން ވަނީ ހާމަކުރައްވާފައެވެ.
މީގެ އިތުރުން މި ޒިޔާރާތުގައި މި ފަދަ ކާރިސާތަކުން ލިބޭ ގެއްލުންތައް ކުޑަކުރުމަށް އެޅިދާނެ ފިޔަވަޅުތައް ރަށު ކައުންސިލުތަކާ އެކު ވަނީ މަޝްވަރާކުރައްވާފައެވެ.
ރާއްޖޭގެ އެކި ކަންކޮޅުތަކަށް މި ދުވަސްވަރު ކުރަމުން ދާ ގަދަ ވިއްސާރައިގައި އެކި ރަށްރަށަށް ދަނީ އެކިވަރުގެ ގެއްލުންތައް ލިބެމުންނެވެ. އެގޮތުން ކ. ގުރައިދޫއާއި މާފުއްޓަށްވެސް ވަނީ ބޮޑެތި ގެއްލުންތަކެއް ލިބިފައި އެވެ.
Advertisement
This content is created and paid for by advertisers and does not involve Voice Journalists
