ސްކޭމްގެ މައްސަލަތައް އިތުރުވާތީ އާއްމުން އެކަމަށް ހޭލުންތެރިކުރުވުމަށްޓަކައި ދިވެހި ފުލުހުންގެ ހިދުމަތުގެ ފަރާތުން ސްކޭމް އެވެއާނަސް ރޯޑްޝޯވ ހުޅުމާލޭގައި ކުރިއަށް ގެންގޮސްފިއެވެ.
މިކަމާއި ގުޅޭ ގޮތުން ފުލުހުން ބުނީ، މި ހަރަކާތް ކުރިއަށް ދިޔައީ މި މަހު 4 އަދި 5 ވަނަ ދުވަހު ކަމަށާއި، މި ހަރަކާތުގެ ތެރެއިން ހުޅުމާލެ ފޭސް 1 އަދި ފޭސް 2 ގައި ގިނައިން މީހުން އެއްވެއުޅޭ ސަރަހައްދުތަކުގައި މައުލޫމާތު ދީފައިވާ ކަމަށެވެ.
އެގޮތުން، ސްކޭމްގެ މައްސަލަތަކުން ރައްކާތެރިވުމުގެ ތަފާތު އެކި މެސެޖުތައް ދީފައިވާކަމަށާއި، މައުލޫމާތު ހިމެނޭ ބެޖު، ލީފްލެޓް، ކާޑު އަދި ފުލުހުންގެ ކަލަންޑަރު ހަދިޔާކޮށްފައިވާކަމަށް ފުލުހުން ވަނީ ބުނެފައެވެ. ހަމައެއާިއެކު، ފުލުހުން ވަނީ މި ދުވަސްވަރަކީ ޗުއްޓީ ދުވަސްވަރު ކަމަށް ވުމާއެކު މި ދުވަސްވަހު ހާއްސަ ސަމާލުކަންދޭންޖެހޭ ކަންކަމުގެ މައުލޫމާތު ވެސް ހިއްސާކޮށްފައި އެވެ.
ފުލުހުން ބުނީ ހުޅުމާލޭ ފޭސް 1 އަދި 2 ގެ އަވައްޓެރި ފުލުހުންނާއި އިކޮނޮމިކް ކްރައިމް ޑިޕާޓްމަންޓު ގުޅިގެން ކުރިއަށް ގެންދިޔަ މި ޕްރޮގްރާމްގައި ގިނަ އަދަދެއްގެ ރައްޔިތުންނަށް މައުލޫމާތު ހިއްސާކޮށްފައިވާ ކަމަށެވެ.
Advertisement
This content is created and paid for by advertisers and does not involve Voice Journalists
