ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ ތެރޭގައި އެއާޕޯޓްގެ މުއައްޒަފުންތަކެއްގެ ގައިގައި ޖަހައި، މާރާމާރީ ހިންގި ބިދޭސީ ފިރިހެނަކު ފުލުހުން މިއަދު ހައްޔަރުކޮށްފިއެވެ.

ފުލުހުން ބުނީ މިއަދު ހެނދުނުގެ ވަގުތެއްގައި  އެއާޕޯޓުގައި މި މާރާމާރީ ހިންގި ބިދޭސީ ފިރިހެނަކު ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.

މީސްމީޑިއާގައި ދައުރުވަމުންދާ މި މަރާމާރީގެ ވީޑިއޯއިން ފެންނަ ގޮތުގައި މި ބިދޭސީ މީހާ އެއާޕޯޓުގެ މުވައްޒަފުންތަކަކާ މާރާމާރީ ހިންގަނީ އިންޓަނޭޝަނަލް ޓާމިނަލްގެ ޗެކިން ކައުންޓަރު ކައިރީގައި އެވެ. 

އެގޮތުން އެއާޕޯޓު މުވައްޒަފަކާ ދެބަސްވުމަށް ފަހުގައި އޭނާގެ ބޮލުގައި ވަރަށް ބާރަށް އަތުން ޖަހާތަން ވީޑިއޯއިން ފެންނައިރު ޖެހުމާއެކު އެ މުއައްޒަފު ވަނީ އެތަނަށް ވެއްޓިފައެވެ. އެއާއިއެކު އެހެން ދިވެހި މުވައްޒަފަކު ބިދޭސީ މީހާ ކޮށްޕާލި ނަމަވެސް އޭނާއާއި ވެސް ހަމަނުޖެހުން ހިނގާ ވައްޓާލިއިރު، އިތުރު މުވައްޒަފުން އައިސް އެ މީހުން ދުރުކޮށް ބިދޭސީ މީހާ ވެސް އެތަނުން ދުރަށް ގެންދެއެވެ.

މި މާރާމާރީ ހިނގަން މެދުވެރިވި ސަބަބެއް އަދި މިހާތަނަށް ސާފުވެފައެއް ނުވެއެވެ.