ވެލާނާ އިންޓަނޭޝަނަލް އެއާޕޯޓްގައި ބިދޭސީ އަކު މާރާމާރީ ހިންގީ އޭނާ ފުރަން ގޮސް ހުއްޓާ ލަގެޖް ބަރުވެ އެޔަށް އިތުރަށް ފައިސާ ދެއްކުމަށް ބުނުމުން ކަމަށް ފުލުހުން ހާމަކޮށްފިއެވެ.
އެމެރިކާ އަށް ނިސްބަތްވާ އެމީހާ ހައްޔަރުކޮށްފައިވާއިރު، ފުލުހުން ބުނީ އޭނާ ވަނީ މިހާރު ފުލުހުންގެ ބަންދަށް ގެނެސްފައި ކަމަށާއި، ބަންދު މުއްދަތު ޖެހުމަށް މިރޭ ކޯޓަށް ގެންދާނެ ކަމަށެވެ.
މީސްމީޑިއާގައި ދައުރުވަމުންދާ މި މަރާމާރީގެ ވީޑިއޯއިން ފެންނަ ގޮތުގައި މި ބިދޭސީ މީހާ އެއާޕޯޓުގެ މުވައްޒަފުންތަކަކާ މާރާމާރީ ހިންގަނީ އިންޓަނޭޝަނަލް ޓާމިނަލްގެ ޗެކިން ކައުންޓަރު ކައިރީގައި އެވެ.
އެގޮތުން އެއާޕޯޓު މުވައްޒަފަކާ ދެބަސްވުމަށް ފަހުގައި އޭނާގެ ބޮލުގައި ވަރަށް ބާރަށް އަތުން ޖަހާތަން ވީޑިއޯއިން ފެންނައިރު ޖެހުމާއެކު އެ މުއައްޒަފު ވަނީ އެތަނަށް ވެއްޓިފައެވެ. އެއާއިއެކު އެހެން ދިވެހި މުވައްޒަފަކު ބިދޭސީ މީހާ ކޮށްޕާލި ނަމަވެސް އޭނާއާއި ވެސް ހަމަނުޖެހުން ހިނގާ ވައްޓާލިއިރު، އިތުރު މުވައްޒަފުން އައިސް އެ މީހުން ދުރުކޮށް ބިދޭސީ މީހާ ވެސް އެތަނުން ދުރަށް ގެންދެއެވެ.
Advertisement
This content is created and paid for by advertisers and does not involve Voice Journalists
