ހައްދުފަހަނައަޅާފައިވާ އިސްރާއީލުގެ ފައުޖުގެ ޓޭންކަރުތައް ރަފާހް އަށް ވަދެގަނެ، ރަފާހްގެ ބޯޑަރުގެ ކޮންޓްރޯލް ނަގައިފިއެވެ.
ރަފާހް އަށް އަރާނެ ކަމަށް ޔަހޫދީން އިންޒާރު ދީފައިވާއިރު، އެމީހުން ވަނީ ރަފާހް ގައިބޯހިޔާވަހިކަން ހޯދަމުން އަންނަ 2.2 މިލިއަން މީހުން ރަފާހް ދޫކޮށް ދިޔުމަށްވެސް އަންގާފައެވެ.
އެފަދައިން އެންގުމަށްފަހު މީހުން ރަފާހް އިން ނުކުންނަން ފެށިނަމަވެސް، ގިނަ ބަޔަކަށް ނުކުތުމުގެ ފުރުސަތު ނުދީ ޔަހޫދީން ވަނީ ރަފާހް ގެ ސަރަހައްދަށް ހަމަލާތައް ދޭން ފަށާފައެވެ.
ޔަހޫދީ ފައުޖުން ޣައްޒާ އާއި މިޞްރާއި ދެމެދު އޮންނަ މި ބޯޑަރުގެ ކޮންޓްރޯލް ނަގާފައިވާއިރު، މިއީ އިންސާނީ އެހީތެރިކަން ފޯރުކޮށްދިނުމަށް މިސްރާއި ޣައްޒާއާ ދެމެދު އޮންނަ ހަމައެކަނި ދޮރުކަން ފާހަގަކޮށްލަން ޖެހެއެވެ.
ޣައްޒާގެ ބޯޑަރު އޮތޯރިޓީގެ ތަރުޖަމާނު ވަނީ ރަފާހު ހުރަސްކޮށް އިސްރާއީލުގެ ޓެންކްތައް ހުރިކަން ކަށަވަރުކޮށްދީފަ އެވެ. އެއާއިއެކު އެ ސަރަހައްދުގައިއެހީ ފޯރުކޮށްދިނުމަށް ތިބޭ ފަރާތްތަކުން ބުނީ އެ ބޯޑަރު މެދުވެރިކޮށް ޣައްޒާއަށް ވަންނަމުން ދިޔަ އެހީ އެއްކޮށް ބަންދުވެފައިވާ ކަމަށެވެ.
ޔަހޫދީ ފައުޖުން ރަފާހް ގެ ގެތަކަށް ވެސް ވައިގެ ހަމަލާތައް ދެމުން އަންނައިރު، ފަލަސްތީނުގެ ސިއްހީ މަސައްކަތްތެރިން ބުނީ އިސްރާއީލުގެ ޓެންކްތަކާއި މަތިންދާބޯޓުތަކުން ރޭގައި ދިން ހަމަލާތަކެއްގައި ހަތަރު ގެއަކަށް ހަމަލާދީ ފަލަސްތީނުގެ 20 މީހަކު ޝަހީދުވެ، އެތައް ބަޔަކު ޒަޚަމްވެފައިވާ ކަމަށެވެ.
ޔަހޫދީން ރަފާހް އަށް އަރައިގައިންފައިމިވަނީ ޣައްޒާގައި ހިންގަމުންދާ ގަތުލުއާއްމު ހުއްޓާލުމާއި ގުޅޭ ގޮތުން މުހިންމު މަޝްވަރާތަކެއް ކުރެވި، ހަމާސް އިން މިހަނގުރާމ ހުއްޓާލުމަށް އެއްބަސްވުމަށް ނިންމާފައިވަނިކޮށެވެ.
Advertisement
This content is created and paid for by advertisers and does not involve Voice Journalists
