މާރާމާރީ ހިންގިކަމުގެ ތުހުމަތުގައި ވެލާނާ އިންޓަނޭޝަނަލް އެއަރޕޯޓުން މިއަދު ހައްޔަރު ކުރިމީހާ ކޯޓުން ދޫކޮށްލައިފިއެވެ.

ވެލާނާ އިންޓަނޭޝަނަލް އެއަރޕޯޓު (ވީއައިއޭ) ގެ ތެރޭގައި، މާރާމާރީ ހިންގި އެމެރިކާއަށް ނިސްބަތްވާ ފިރިހެނަކު ފުލުހުންގެ ބެލުމުގެ ދަށަށް ގެނެސްފައިވަނީ މިއަަދުގެ ހެނދުނުގެ ވަގުތެއްގައެވެ. އެއަށްފަހު މިމީހާގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ކޯޓުން މި މީހާ ދޫކޮށްލާފައިވަނީ ޝަރުތުތަކަކާ އެކުއެވެ.

ވީއައިއޭގައި ހިންގި މަރާމާރީގެ ވީޑިއޯއެއް މިހާރު މީސްމީޑިޔާގައި ދަޢުރުވަމުން ދާއިރު، ވީޑިއޯ އިން ފެންނަ ގޮތުގައި މި ބިދޭސީ މީހާ އެއާޕޯޓުގެ މުވައްޒަފުންތަކަކާ ދެބަސްވެ މާރާމާރީހިންގަނީ އިންޓަނޭޝަނަލް ޓާމިނަލްގެ ޗެކިން ކައުންޓަރު ކައިރީގައި އެވެ. އެގޮތުން އޭނާ ވަނީ ވެލާނާ އިންޓނޭޝަނަލް އެއަރޕޯޓުގައި މުވައްޒަފުންތަކެއްގެ ގައިގައި ޖަހާފައެވެ.

Advertisement

ފުލުހުން މި ކަމާ ގުޅޭގޮތުން މައުލޫމާތުދެއްވި ގޮތުގައި އެ މީހާ މާރާމާރީ ހިންގީ އޭނާ ފުރަން ގޮސް ހުއްޓާ ލަގެޖް ބަރުވެ އެޔަށް އިތުރަށް ފައިސާ ދެއްކުމަށް ބުނުމުންނެވެ.