މާލޭގައި ފެން ބޮޑުވުމުގެ މައްސަލައަށް ދާއިމީ ހައްލެއް ގެނައުމުގެ ގޮތުން އިމާރާތް ކުރުމާއި ބިނާރާ ބެހޭ ވުޒާރާގެ އިސްވެރިންނާއި ޓެކްނިކަލް ޓީމުން ސްޓޭކްހޯލްޑަރުންނާއެކު ބައްދަލުވުމެއް ބާއްވައިފިއެވެ.
އިއްޔެ ބޭއްވުނު މި ބައްދަލުވުމުގައި، މާލެ ސިޓީ ކައުންސިލްގެ މޭޔަރ އާދަމް އާޒިމް އާއި، އެމްއެންޑީއެފްގެ އިސް ފަރާތްތައް ވަނީ ބައިވެރިވެފައެވެ.
މާލޭ ފެންބޮޑުވާ މައްސަލަ ހައްލު ކުރުމަށް ބޭއްވުނު މަޝްވަރާ ބައްދަލުވުމުގެ ތެރެއިން: ފޮޓޯ/ އިމާރާތް ކުރުމާބެހޭ ވުޒާރާ
މާލެ ސަރަހައްދަށް ބޯކޮށް ވާރޭ ވެހޭ ކޮންމެ ފަހަރަކުހެން، މަގު ތަކުގައި ފެން ބޮޑުވެ، ގެތަކަށް ފެން ވަދެ ބޮޑެތި ގެއްލުން ތަކެއް އާއްމުންނަށް ވެއެވެ. އޭގެ ސަބަބުން ވަގުތީ ހިޔާތަކަށްވެސް މީހުން ބަދަލު ކުރަންޖެހެއެވެ.
މިދުވަސްވަރަކީ ރާއްޖެއަށް ވިއްސާރަ ދުވަސް ވަރަކަށް ވާއިރު، ކުރިއަށް އޮތް 4 ވަރަކަށް ހަފްތާފައިވެސް ވިއްސާރަ ވާނެ ކަމަށް މޫސުމާ ބެހޭ ގައުމީ އުދާރާއިން ވަނީ ބުނެފައެވެ. އެހެންކަމުން، ވާރޭ ވެހި ފެންބޮޑުވާ މައްސަލަ ހައްލު ކުރުމަށް ކުރިއާލާ ތައްޔާރު ވުމަށް ކަމާ ބެހޭ އިދާރާ ތަކުގެ މިފަދަ މބައްދަލުވުން މުހިންމެވެ.
މި މައްސަލާގައި މީގެ ކުރިން ރައީސް ޑރ މުހައްމަދު މުޢިއްޒު ވަނީ މާލޭގެ މަގުތައް ޒަމާނީ ފެންވަރަށް ހެދުމުން ފެންބޮޑުވާ މައްސަލައަށް ދާއިމީ ހައްލެއް ލިބޭނެ ކަމަށް ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
