ހުޅުމާލޭގައި ހުންނަ އެސްޓީއޯ ސްމާޓް ސްޓޯރ އިން މިހާރު 24 ގަޑިއިރު ހިދުމަތް ލިބޭނެ ކަމަށް އެސްޓީއޯއިން ބުނެފިއެވެ.

މިދިޔަ އަހަރު ހުޅުވި މި ސްޓޯ މީގެ ކުރިން ރޭގަނޑު 10:00 އަށް ފަހު ބަންދު ކުރި ނަމަވެސް އެސްޓީއޯ އިން ބުނީ މިހާރު އެ ފިހާރައިން 24 ގަޑިއިރު ހިދުމަތް ލިބޭނެ ކަމަށެވެ.

މި ފިހާރައަށް ކަސްޓަމަރުންގެ ފަރާތުން ބޮޑު ތަރުހީބެއް ލިބެމުން އަންނަކަން ފާހަގަކުރަމުން އެ ކުންފުނިން ބުނީ އާޓިފިޝަލް އިންޓަލިޖެންސްގެ ވިޝަންއާއި، އައިއޯޓީ ބޭނުންކޮށްގެން ކޭޝިއަރަކާއި ނުލައި ކަސްޓަމަރު ވިޔަފާރިކޮށް ނިންމާލެވޭނެ ޕްރޮސެސް އެކުލެވޭހެން ނިއު އެމާޖިންގ 2 ޓެކްނޮލޮޖީއެއް ވަނީ ބޭނުންކޮށްފައިވާ ކަމަށެވެ.

Advertisement

 އެޕް ސްޓޯރ އާއި ޕްލޭ ސްޓޯރއިން ޑައުންލޯޑް ކުރެވޭ ހާއްސަ އެޕްލިކޭޝަނަކުން މި ފިހާރައިން ވިޔަފާރި ކުރެވޭއިރު، ފިހާރައަށް ފޯނުން ކިއުއާރު ކޯޑު ސްކޭން ކޮށްގެން ވަދެވޭއިރު، އެއާއިއެކު ފޭޝިއަލް ރިކޮގްނިޝަން ބޭނުންކުރަން ބޭނުންވާ ކަސްޓަމަރުންނަށް އެ ފުރުޞަތުވެސް އެސްޓީއޯއިން ވަނީ ފަހި ކޮށްދީފައެވެ.

މި އެޕްލިކޭޝަން މެދުވެރިކޮށް ފިހާރައިން ނިކުންނައިރު ފައިސާ ކެނޑޭއިރު، ޝިއަލް ރިކޮގްނިޝަން ހަދާފައިވާ ފަރާތްތަކަށް ފޯނު ނެތްނަމަވެސް ވިޔަފާރި ކުރެވޭނެއެވެ. އެއާއިއެކު އެސްޓީއޯ ސްމާޓް ސްޓޯރ އިން ވިޔަފާރި ކޮށްގެން ނުކުންނަތާ މަދުވެގެން 10 ނުވަތަ 15 ސިކުންތުގެ ތެރޭގައި ފައިސާ ރަސީދު ވެސް ލިބޭނެއެވެ.