އޯކޭޒް އިންކް އާއި މީޑިއާނެޓް ގުޅިގެން ގެނެސްދިނުމަށް ހަމަޖެހިފައިވާ އާ ޕްރޮޖެކްޓް "ރޮބޮމޭން- ދި މޫވީ" އަށް އޮޑިޝަން ކުރުމުގެ ފުރުސަތު ހުޅުވާލަން ނިންމައިފިއެވެ.

މުޅި ރާއްޖެ އަށް އޮޑިޝަން ކުރުމުގެ ފުރުސަތު ހުޅުވާލައިގެން އުފެއްދުމަށް ހަމަޖެހިފައިވާ މިފިލްމަށް އާ މޫނެއް ބޭނުންވާ ކަމަށް ފިލްމް އުފައްދާ ފަރާތުން ބުނެފައިވާއިރު، އެފަރާތުން އިތުރަށް ބުނީ މިއީ މަހުދީގެ އުފެއްދުންތެރި ސްކްރީން ޕްލޭގެ މައްޗަށް ބިނާ ކޮށް އުފައްދާ ފިލްމެެއް ކަމަށެވެ.

ރާއްޖޭގެ ކުދި ބޮޑު އެންމެންގެ ލޯބި ހޯދާފައިވާ ރޮބޮމޭން ކެރެކްޓާގެ މައްޗަށް ބިނާކޮށް ކެންޑި އާއި މުންކޯ ޑައިރެކްޓް ކުރާ މި ފިލްމަކީ ފޯރިގަދަ ފިކްޝަނަލް އެޑްވެންޗަރ އެއް ހިމެނޭ ފިލްމަކަށްވާއިރު، މިއީ ދިވެހި ސިނަމާ އަށް ކުރިއެރުން ގެނެސްދޭނެ ފިލްމެއް ކަމަށް އެފަރާތުން ބުނެއެވެ.

ހުރިހާ އުމުރެއްގެ މީހުންނަށް ވެސް އެކަށީގެންވާ ގޮތަށް ޚިޔާލީ ވާހަކަތަކަށް ބިނާކޮށް އުފައްދާ "ރޮބޮމޭން- ދި މޫވީ" އަށް އޮޑިޝަން ކުރަން ބޭނުންވާ ފަރާތްތަކަށް އެ ފުރުސަތު ހުޅުވާލާފައިވާއިރު، ފިލްމު އުފައްދާ ފަރާތުން ވަނީ އޮޑިޝަން އާއި ބެހޭ އިތުރު މައުލޫމާތު ތައް ހިއްސާ ކުރާނެ ކަމަށާއި، ރާއްޖޭގެ ކުދިބޮޑު އެންމެން ވެސް މި ޝައުގުވެރި ފިލްމަށް އިންތިޒާރު ކުރަމުން ދިޔުމަށް ބުނެފައެވެ.