އޭޝިއަން ޕެސެފިކް ބްލޫ އިކޮނޮމިކް ފޯރަމް ރާއްޖޭގައި ބޭއްވުމަށް ހަމަޖެހިގެން ދިޔުމަކީ ފަހުރެއް ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެއެވެ.

މިމަހު މިމަހުގެ 13 ވަނަ ދުވަހުން ފެށިގެން 14 ވަނަ ދުވަހުގެ ނިޔަލަށް ރާއްޖޭގައި ބާއްވާ އޭޝިއަން ޕެސެފިކް ބްލޫ އިކޮނޮމިކް ފޯރަމް އާއި ގުޅިގެން ސައީދު "އެކްސް"ގައި ކުރެއްވި ޕޯސްޓެއްގައި ވަނީ މި ފޯރަމްގައި ބައިވެރިވެވަޑައިގަންނަވާ ކްލައިމެޓް ފައިނޭންސް ނެޓްވޯކް (ސީއެފްއެން) ގައި ހިމެނޭ ގައުމުތަކުގެ ބޭފުޅުންނަށް މަރުހަބާ ދަންނަވާފައެވެ. 

އަދި މި ފޯރަމުގައި މަޝްވަރާ ކުރެވޭ ކަންތަކުގެ ޢަމަލީ މަސައްކަތް އަވަހަށް ފެނިގެންދިއުމަށް އުއްމީދު ކުރައްވާ ކަމަށްވެސް ވަޒީރު ވިދާޅުވިއެވެ.

Advertisement

މި ފޯރަމްއަކީ ނޫ އިޤްތިޞާދުގެ ދަށުން ޤައުމުތަކަށް ކުރެވޭނެ ކަންކަން ރާވައި ހިންގުމާއި ގުޅޭގޮތުން މަޝްވަރާ ކުރަމަށް ބާއްވާ ފޯރަމެކެވެ. މިފަހަރުގެ ފޯރަމް ރާއްޖެއިން ކޯ ހޯސްޓްކުރާއިރު، މިފަހަރުގެ ފޯރަމް ކުރިއަށް ގެންދަނީ އިޤްތިޞާދީ ތަރައްޤީއާއިބެހޭ ވުޒާރާއާއި، ޔޫއެންޑީޕީއާއި، އިންގިރޭސިވިލާތުގެ ފޮރިން، ކޮމަންވެލްތު އަދި ޑިވެލޮޕްމެންޓް އޮފީހާއި ގުޅިގެންނެވެ.

މި ފޯރަމުގައި ބައިވެރިވާނީ، ޔޫއެންޑީޕީގެ ކްލައިމެޓް ފައިނޭންސް ނެޓްވޯކުގައި ހިމެނޭ ޤައުމުތައް ކަމަށް ޔޫއެންޑީޕީން މައުލޫމާތު ދެއެވެ. މިގޮތުން ފޯރަމުގައި 12 ވަރަކަށް ގައުމުން 100 އަށް ވުރެ ގިނަ ބައިވެރިން ބައިވެރިވާނެއެވެ.