މާލޭގެ ސްކޫލްތަކަށް އަލަށް ކުދިން ވެއްދުމަށް އިތުރު ފުރުސަތެއް ދިނުމަށް ނިންމައި، އެޕްލައި ކުރުމަށް ހުޅުވާލައިފިއެވެ.
އެޑިއުކޭޝަން މިނިސްޓްރީން ބުނީ މާލޭ ސަރަހައްދުގެ ސްކޫލްތަކަށް އަލަށް ދަރިވަރުން ވެއްދުމާއި އެއް ސްކޫލުން އަނެއް ސްކޫލަށް ދަރިވަރުން ބަދަލުކުރުމަށް ފޯމު ހުށަހެޅުމުގެ އިތުރު ފުރުސަތަށް ހުޅުވާލާ ކަމަށެވެ.
އެގޮތުން މިމަހުގެ 15 ވަނަ ދުވަހުން ފެށިގެން 16 ވަނަ ދުވަހުގެ މެންދުރު ފަހު 14:00 އާ ހަމަޔަށް މި ފުރުސަތު އަންނަނިވި ފަރާތްތަކަށް ހުޅުވާލާ ކަމަށް ބުންޏެވެ.
* ސަރުކާރު ސްކޫލެއްގެ ފައުންޑޭޝަން ސްޓޭޖުގެ ކުލާހަކަށް ވައްދަން ބޭނުންވާ ދަރިވަރުން
* ގްރޭޑް އެކަކަށް އަލަށް ވައްދަން ބޭނުންވާ ދަރިވަރުން
* ޕްރައިވެޓު ސްކޫލަކުން ސަރުކާރު ސްކޫލަކަށް ބަދަލުވާން ބޭނުންވާ ދަރިވަރުން
* ރާއްޖެއިން ބޭރުގެ ގައުމެއްގައި އުޅެފައި ރާއްޖެއަށް ބަދަލުވެ، ސަރުކާރު ސްކޫލަކަށް ވަންނަން ބޭނުންވާ ދަރިވަރުން
މާލޭ ސުކޫލް ތަކަށް ދަރިވަރުން ވެއްދުމަށް އިތުރު ފުރުސަތަށް ހުޅުވާލާފައިވާއިރު، މި ފެށޭ ދިރާސީ އައު އަހަރަށް އެކަނިވެސް އަތޮޅުތަކުން މާލެ ބަދަލުވާން 900 އަށް ވުރެ ގިނަ ފޯމުތައް މިހާތަނަށް ވަނީ ހުށަހަޅާފައެވެ.
Advertisement
This content is created and paid for by advertisers and does not involve Voice Journalists
