ދިވެހި މަސްވެރިކަމުގެ އުފެއްދުންތައް ޕްރޮމޯޓް ކުރުމަށް މި ސަރުކާރުން އުފެއްދި މޯލްޑިވްސް ފިޝަރީޒް އެންޑް އޯޝަން ރިސޯސަސް މާކެޓިން އެންޑް ޕްރޮމޯޝަން ކޯޕަރޭޝަން (އެމްއެފްއޯއާރުއެމްޕީސީ) އެކުލަވާލައި، ބޯޑުގެ ވެރިން އައްޔަނުކޮށްފިއެވެ.

ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން ކުރި އިއުލާނެއްގައި މި ބޯޑުގެ މެމްބަރުންގެ ނަންތައް ވަނީ އާއްމުކޮށްފައެވެ.

އެމްއެފްއޯއާރުއެމްޕީސީ ގެ މެމްބަރުންނަކީ:

Advertisement

1) އަހުމަދު ޒަރީރު، ދިލްކުސާގެ/ ދ.މާއެނބޫދޫ - މެނޭޖިން ޑިރެކްޓަރު

2) މުންޝިދާ އިބްރާހިމް، ގ.އޮނުހުރި - ބޯޑު މެމްބަރު

3) އަހުމަދު ޝިފާޒް، ނައިޓް ރޯޒް/ ތ.ދިޔަމިގިލި - ބޯޑު މެމްބަރު

4) އަހުމަދު ޔާމީން، ގްރީން ވިލާ/ ސ.މީދޫ  - ބޯޑު މެމްބަރު

5) އާދަމް މަނިކު، ހ.ސަމަރބްލޫ - ބޯޑު މެމްބަރު  

މިދިޔަ އަހަރުގެ ޑިސެމްބަރުގައި އުފެއްދި އެމްއެފްއޯއާރުއެމްޕީސީ ގެ ބޭނުމަކީ، އެކުއަކަލްޗާ އާއި މެރިކަލްޗާ އާއި ކަނޑުގެ ހުރިހާ ވަސީލަތްތަކެއް ހިމެނޭހެން ރާއްޖޭގެ މަސްވެރިކަމުގެ އުފެއްދުންތައް އިޝްތިހާރުކޮށްގެން އޭގެން ލިބޭ މަންފާ އިތުރުކޮށް، ދިވެހި އުފެއްދުންތަކަށް ހާއްސަ ބްރޭންޑެއް ތައާރަފުކުރުމާއި އެކު އެ ތަކެތި ޕްރީމިއަމް ޕްރޮޑަކްޓެއްގެ ގޮތުގައި ރާއްޖެ އާއި ބައިނަލްއަގުވާމީ ބާޒާރުގައި ވިއްކައި، އާ މާކެޓުތައް ހޯދުމެވެ.