އަހަރުގެ މިހާތަނަށް އެންމެ ގިނަ ފަތުރުވެރިން އައިސްފައިވާ ވަނީ ޗައިނާ އިން ކަމަށާ، އެ ގައުމުން މި އަހަރުގެ މިހާތަނަށް 95،263 ފަތުރުވެރިން އައިސްފައިވާ ކަމަށް ތަފާސް ހިސާބުތަކުން ދައްކައިފިއެވެ.  

ޓޫރިޒަމް މިނިސްޓްރީން އާއްމު ކުރި ތަފާސް ހިސާބުތައް ދައްކާ ގޮތުގައި އިއްޔެ ނިޔަލަށް ރާއްޖެއަށް ޖުމްލަ 850,971 ފަތުރުވެރިން ވަނީ ޒިޔާރަތްކޮށްފައެވެ. މިދިޔަ އަހަރު މި މުއްދަތާއި ހަމައަށް އައިސްފައިވަނީ 765,134 ފަތުރުވެރިންނެވެ. އެހެންކަމުން މިއީ 11.2 އިންސައްތައިގެ ކުރިއެރުމެކެވެ. 

މި އަހަރުގެ މިހާތަނަށް އެންމެ ގިނަ ފަތުރުވެރިން އައި ގައުމަކަށް ޗައިނާ ވާއިރު، ދެވަނައަށް އެންމެ ފަތުރުވެރިން އައިސްފައި ވަނީ ރަޝިއާއިންނެވެ. އެ ގައުމުން 85,873 ފަތުރުވެރިން އައިސްފައި ވެއެވެ.

އަދި ތިންވަނާގައި 80,962 ފަތުރުވެރިންނާއެކު އިނގިރޭސިވިލާތް އޮތްއިރު، ހަތަރުވަނާގައި އޮތީ އިޓަލީއެވެ. އެ ގައުމުން 73,709 ފަތުރުވެރިން މިހާތަނަށް އައިސްފައިވެއެވެ. 

ޗައިނާ - 95,263

ރަޝިއާ - 85,873

އިނގިރޭސިން - 80,962

އިޓަލީ - 73,709

ޖަރުމަނު - 67,766

އިންޑިއާ - 48,940

ފްރާންސް - 31,677

ޔޫއެސްއޭ - 29,815

ސްވިޒަލޭންޑް - 21,125

ޕޮލެންޑް - 17,035

މިހާރު ރާއްޖޭގެ ޓޫރިޒަމްގައި އެވްރެޖުކޮށް ދުވާލަކު އަންނަނީ 6,078 މީހުންނެވެ. އަދި އެވްރެޖުކޮށް ޓޫރިސްޓުން ރާއްޖޭގައި 7.8 ދުވަހު މަޑުކުރާ ކަމަށް ދައްކަ އެވެ.