މިފްކޯގެ ސީއީއޯ އަދި މެނޭޖިން ޑިރެކްޓަރުގެ މަގާމުން ވަކިކުރި އަހުމަދު ޝަމާހު ރަޝީދު ފިޝަރީޒް މިނިސްޓްރީގެ ސްޓޭޓް މިނިސްޓަރު ކަމަށް މިއަދު އައްޔަންކޮށްފި އެވެ.
ފިޝަރީޒް މިނިސްޓްރީގެ ސްޓޭޓް މިނިސްޓަރު ކަމުގެ މަގާމަށް އައްޔަން ކޮށްފައިވާ ކަމުގެ ލިޔުން ރައީސް އޮފީހުން މިހާރު ވަނީ ޝަމާހު އަށް ފޮނުވައިފަ އެވެ.
މިފްކޯ ގެ ސީއީއޯ މަޤާމުގައި ހުންނެވި އަލްފާޟިލް އަހުމަދު ސަމާހު ރަޝީދު އެމަޤާމުންނާއި މިފްކޯގެ ބޯޑުގެ ޑިރެކްޓަރު ކަމުން އިއްޔެއިން ފެށިގެން ވަކިކޮށްފައިވާ ކަމަށް ޕްރައިވެޓައިޒޭޝަން އެންޑް ކޯޕަރޭޝަން ބޯޑު (ޕީސީބީ)އިން އިއުލާން ކުރީ ރޭގެ ވަގުތެއްގައެވެ.
ސަމާހް މަގާމުން ވަކި ކުރި ސަބަބެއް ޕީސީބީން ހާމަކޮށްފައި ނުވިނަމަވެސް ސަމާހްއާއި ގުޅޭގޮތުން ކޯޕަރޭޓް ގަވަނެންސްއާ ގުޅުންހުރި މައްސަލަތަކެއް ޕީސީބީއަށް ހުށަހަޅާފައިވާތީ އެކަމުގެ ފުރިހަމަ އެންކުއަރީއެއް ކުރިޔަށްގެންދާކަން މީގެ ކުރިން ވަނީ ހާމަކޮށްފައެވެ.
އެގޮތުން އެމައްސަލައާއި ގުޅިގެން މީގެ ކުރިން ސަމާހް ސަސްޕެންޑުވެސް ކޮށްފައި ވާކަނަވެސް ފާހަގަކޮށްލެވެއެވެ.
އެހެންނަމަވެސް އޭނާ އާ ގުޅިގެން ބެލި މައްސަލަތައް ތަހުގީގު ކުރުމަށް ފަހު ޕީސީބީން ވަނީ އޭނާގެ މައްސަލައެއް ނެތް ކަމަށް ނިންމައި ސަސްޕެންޝަން އުވާލައިފަ އެވެ.
Advertisement
This content is created and paid for by advertisers and does not involve Voice Journalists
