މާލޭގެ މަގަކަށް ފަލަސްތީނާ ގުޅުވައިގެން ނަމެއް ދޭން ހުށަހަޅުއްވައިފި އެވެ.
މާލޭގެ މޭޔަރ، އާދަމް އާޒިމް ވިދާޅުވީ މާލޭގައި ނަން ނުދީ އޮތް ދެ މަގެއް އެބައޮތް ކަމަށާއި އެތަނުން މަގަކަށް ނުވަތަ އެހެން މަގަކަށް ނަމަވެސް ފަލަސްތީނު ހިނގުން ފަދަ ނަމެއް ކިޔަން ފެނޭތޯ ކައުންސިލުގެ ލަފަޔަކަށް އެދި ހުށަހަޅާ ކަމަށެވެ.
"ފަލަސްޠީނަކީ އަޅުގަނޑުމެންގެ ހިތާއި ވަރަށް ގުޅިފައި ހުރި ތަނެއް. އެހެންވީމާ، އަޅުގަނޑުމެންގެ މަގަކަށް ފަލަސްތީނު ހިނގުން ނަމަވެސް ނަމެއް ކިޔަން ފެނޭތޯ ކިހިނެއްތޯއޭ ފެނިވަޑައިގަންނަވަނީ،"
އާޒިމް ވިދާޅުވިއެވެ.
ނިރުބަވެރި އިސްރާއީލުން ފަލަސްތީނަށް ދެމުންދާ ލާއިންސާނީ ހަމަލާތަކުގައި ޙާލުގައި ޖެހިފައި ތިބި މީހުންނަށް އެހީވާން ރާއްޖޭގެ އެކި ހިސާބުތަކުގައި އެކި ފެންވަރުގައި ހަރަކާތްތައް ދަނީ ބާއްވަމުންނެވެ.
އިސްރާއީލުން މިދިޔަ އަހަރުގެ އޮކްޓޫބަރު މަހުގެ 7 ވަނަ ދުވަހުން ފެށިގެން ހަމައެކަނި ޣައްޒާއިންވެސް ވަނީ 35،709 މީހުން ޝަހީދުކޮށްލާފައެވެ. މީގެ ތެރޭގައި 15،000 އަށްވުރެ ގިނަ ކުޑަކުދިން ހިމެނެއެވެ. އިސްރާއީލުން ޣައްޒާއަށް ދިން ޙަމަލާތަކުގައި މިހާތަނަށް 79،990 މީހުން ޒަޚަމްވެފައިވާއިރު، 10،000 އަށް ވުރެ ގިނަ މީހުން ވަނީ ގެއްލިފައެވެ.
Advertisement
This content is created and paid for by advertisers and does not involve Voice Journalists
