ރައްޔިތުންގެ މަޖިލީހުގެ ވިހި ވަނަ ދައުރަށް އިންތިޚާބުވެވަޑައިގެންނެވި މެމްބަރުން މާދަމާ ހުވާކުރާގޮތަށް ހަމަޖެހިއްޖެއެވެ.
އާ މެންބަރުން ހުވާ ކުރުމުގެ ރަސްމިއްޔާތު މާދަމާ ހެނދުނު 9:00 ޖަހާއިރު ބޭއްވުމަށް ހަމަޖެހިފައިވާއިރު، މަޖިލީހުގެ މި ދައުރުގެ ރައީސް އާއި ނައިބު ރައީސް ހޮވާ ޖަލްސާ ބޭއްވުމަށް ހަމަޖެހިފައިވަނީ ހެނދުނު 10:15 ގައި އެވެ.
އިންތިޚާބީ މެމްބަރުން މާދަމާ ހުވާ ކުރުމަށް ހަމަޖެހިފައިވާއިރު، އިއްޔެ ރައްޔިތުންގެ މަޖިލީހުން ވަނީ އިންތިޚާބުވި މެންބަރުން، އިދާރާއަށް އަހުލުވެރިކުރުވުމަށް، ޚާއްސަ ސެޝަނެއްވެސް ކުރިއަށް ގެންގޮސްފައެވެ.
މިދިޔަ މަހުގެ 21 ވަނަ ދުވަހު ބޭއްވި މި އިންތިހާބުގައި 93 ދާއިރާއަކަށް މީހުން ހޮވާފައިވާއިރު، 20 ވަނަ ރައްޔިތުންގެ މަޖިލީހުގެ ސުޕަރމެޖޯރިޓީއެއް ހޯއްދަވާފައިވަނީ، ވެރިކަން ކުރާ ޕީޕީއެމް/ޕީއެންސީ އިންނެވެ.
އެގޮތުން އިންތިޚާބުގައި، ޕީއެންސީއިން ޖުމުލަ 66 ގޮނޑި ކާމިޔާބުކުރި އިރު، އިންތިޚާބަށް ފަހު އަމިއްލަ ގޮތުން ވާދަކުރި އަށް މެންބަރަކު ޕީއެންސީއާ ގުޅި، އެ ޕާޓީއަށް ލިބުނު ގޮނޑީގެ އަދަދު 75 އަށް އިތުރުވެފައިވާކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists
