ޙައްޖުވެރިން ފުރާ ވަގުތު ކާރުބާރު ބޮޑުވާނެކަމަށް ލަފާކޮށް، ސަމާލުވުމަށް ފުލުހުން އިލްތިމާސް ކުރައްވައިފިއެވެ.
ދިވެހިރާއްޖޭގެ ޙައްޖު މިޝަނުން މިއަދު ހާމަކުރެއްވި ގޮތުގައި ގިނަ ޢަދަދެއްގެ ޙައްޖުވެރިން ފުރުމަށް ހަމަޖެހިފައިވާތީ އެެއަރޕޯޓުގައި ކާރުބާރު ބޮޑުވާނެ ކަމަށް ބެލެވޭ ކަމަށެވެ.
އަދި އެހެންކަމުން ފުރުމަށް އެއަރޕޯޓަށް ދާ ބޭފުޅުން މިކަމަށް ސަމާލުވެލައްވައި، ފުރުމުގެ އިންތިޒާމުތައް ދުރާލާ ނިންމުމަށް ސަމާލުކަން ދިނުމަށް ފުލުހުން އިލްތިމާސް ކުރައްވާފައިވާކަމަށް ޙައްޖު މިޝަނުން މައުލޫމާތުދެއެވެ.
މިއަހަރު ގިނަ ޢަދަދެއްގެ ދިވެހިން ޙައްޖުވުމަށް ފުރާއިރު، ޙައްޖުވެރިން ފުރުމަށް ހަމަޖެހިފައިވަނީ ތިން ދުވަހެއްގެ މަތިންނެވެ. އެގޮތުން މާދަމާ (ހުކުރު ދުވަސް) 298 ޙައްޖުވެރިން ފުރަން ހަމަޖެހިފައިވާއިރު، އަންނަ ހަފްތާ ހޯމަ ދުވަހު 353 ޙައްޖުވެރިން ފުރަން ހަމަޖެހިފައިވެއެވެ. އަދި ޖޫން މަހުގެ ހަތް ވަނަ ދުވަހު 339 ޙައްޖުވެރިން ރާއްޖެއިން ފުރަން ވަނީ ހަމަޖެހިފައެވެ.
Advertisement
This content is created and paid for by advertisers and does not involve Voice Journalists
