އުރީދޫގެ ފިހާރައަކުން ވައްކަން ކުރުމަށްފަހު އިތުރުގެޔަކަށް ވަދެ، އެގެއިން ވައްކަން ކުރަމުންދިޔަ މީހަކު ފުލުހުން ހައްޔަރުކޮށްފިއެވެ.
އަމްނާ ޝަތޫ ނަމަކަށް ކިޔާ އެކައުންޓަކުން އެކްސް ގައި ކުރި ޕޯސްޓެއްގައި މި މީހާގެ ވީޑިއޯ އާއި ފުލުހުން އައިސް ހައްޔަރު ކުރި ފޮޓޯ އާއި އެކު އާއްމު ކުރަމުން ބުނީ، އޭނާ އެމީހުންގެ އެޕާޓްމެންޓް އަށް ވަނީ މަސްއޮޑިން ވަޅި ޖަހާތީ ފިލަން ކަމަށް ބުނެ ކަމަށެވެ.
އެއާއިއެކު ފުލުހުންނަށް ގުޅި ކަމަށާއި، ފަސް މިނެޓް ވެސް ނުވަނީސް ފުލުހުން އައިސް ވައްކަން ކުރި މީހާ ހައްޔަރު ކުރި ކަމަށް އޭނާ ބުންޏެވެ.
ފާމްދޭރީ މަގުގައި ހުންނަ އުރީދޫގެ އިމާރާތުގެ ތެރެއަށް ފިރިހެނަކު ވަދެގެން 5:50 ހާއިރު ރިޕޯޓުކުރި ކަމަށް ފުލުހުން ބުނި ނަމަވެސް އޭގެ އިތުރު ތަފްސީލެއް އަދި ދީފައެއް ނުވެއެވެ.
އެއަށްފަހު، އެ ސަރަހައްދުގައި ހުރި އެހެން ގެއެއްގެ ދެ ވަނަ ފްލޯގެ އެޕާޓްމަންޓުގެ ފާހަނާއިން އެ ތަނުގެ ތެރެއަށް ވަދެގެން އަނެއްކާ ވެސް ރިޕޯޓުކުރި ކަމަށް ފުލުހުން މައުލޫމާތުދެއެވެ.
Advertisement
This content is created and paid for by advertisers and does not involve Voice Journalists
