މޯލްޑިވްސް ޕޯޓްސް ލިމިޓެޑްގެ ސީއީއޯ މުޙައްމަދު ވަޖީހް އިބްރާހީމްގެ ނަމުގައި ހަދާފައިވާ ފޭކް ފޭސްބުކް އައިޑީއަކުން މެސެޖްކުރަމުންދާތީ، އެކަމަށް ސަމާލުވާން މޯލްޑިވްސް ޕޯޓްސް އިން އެދެފިއެވެ.

މޯލްޑިވްސް ޕޯޓްސް އިން ފޭސްބުކްގައި ކުރި ޕޯސްޓެއްގައި ބުނީ، އެ ކުންފުނީގެ ސީއީއޯ ވަޖީހްގެ ނަމުގައި ފޭކް ފޭސްބުކް އެކައުންޓެއް ހަދައި، އެ އެކައުންޓް މެދުވެރިކޮށް އެކި ފަރާތްތަކަށް މެސެޖް ކުރަމުންދާ ކަމަށެވެ.

އެހެންކަމުން، މިކަމަށް ހުރިހާ ފަރާތްތަކުންވެސް ސަމާލުވުމަށް އެ ކުންފުނިން ވަނީ އެދިފައެވެ.

ފަހަކަށް އައިސް މިފަދަ އޮޅުވާލުމާއި މަކަރާއި ހީލަތުގެ ގިނަ މައްސަލަތަކެއް ފެންމަތިވެފައިވާކަން ފާހަގަކޮށްލަން ޖެހެއެވެ.