ޗައިނާ އަށް ކުރެއްވި ދަތުރުފުޅަށް ސަރުކާރުން ހަރަދު ނުކުރާ ކަމަށް ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވަޒީރު، އާދަމް ޝަރީފް އުމަރު ވިދާޅުވެއްޖެއެވެ.

ވަޒީރު އާދަމް ޝަރީފު މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ، އެ މަނިކުފާޏު ޗައިނާ އަށް ވަޑައިގަތީ ގްލޯބަލް ސިސްޓަމް ފޯ މޯބައިލް ކޮމިއުނިކޭޝަންސް(ޖީއެސްއެމްއޭ) ގެ ދައުވަތަކަށް ކަމަށެވެ.

އަދި މި ދަތުރުގައި ޓެކްނޮލޮޖީގެ އެހީގައި ރާއްޖޭގެ ތެލެކޮމިއުނިކޭޝަން އާއި ލާމަރުކަޒީ ނިޒާމް އިތުރަށް ތަރައްގީ ކުރުމާއި އެކަމުގައި އެހީތެރި ވެވިދާނެ ގޮތްތަކާއި ބެހޭގޮތުން ޖީއެސްއެމްއޭ ގެ އިތުރުން ވާވޭ އާއިއެކު މަޝްވަރާ ކުރެއްވި ކަމަށް ވެސް ވަޒީރު ވިދާޅުވިއެވެ.

މީގެ އިތުރުން ވަޒީރު ވިދާޅުވީ ދަތުރުގެ ހުރުމާއި ކެއުމާއި ދަތުރުފަތުރުގެ އިތުރުން ޓިކެޓަށް ދައުލަތުން ޚަރަދު ނުކުރައްވާ ކަމަށެވެ.

އަދި ޓެކްސް ފައިސާ ދައްކާ މީހުންގެ ފައިސާ ޒިންމާދާރު ކުޑަގޮތަކަށް ޚަރަދު ނުކުރާ ކަމަށްވެސް ވަޒީރު ވިދާޅުވިއެވެ.

[