މި ޖުލައިމަހުގެ 7 ވަނަ ދުވަސް ކުރިންވެސް ކަނޑައެޅިފައިވާ ގޮތަށް ސަރުކާރު ބަންދު ދުވަހެއް ކަމަށް ރައީސުލްޖުމްހޫރިއްޔާގެ އޮފީހުގެ ތަރުޖަމާނު ހީނާ ވަލީދު ވިދާޅުވެއްޖެއެވެ.

ހީނާ މިއަދު އެކްސް ގައި ކުރެއްވި ޕޯސްޓެއްގައި ވިދާޅުވެފައިވަނީ މި ޖުލައިމަހުގެ 7 ވަނަ ދުވަސް (އަންނަ އާދީއްތަ ދުވަސް) ކުރިންވެސް ކަނޑައެޅިފައިވާ ގޮތަށް ސަރުކާރު ބަންދު ދުވަހެއްގެ ގޮތުގައި ހަމަޖެހިފައިވާ ކަމަށެވެ.

މި ދުވަހަކީ ހިޖްރީ އާ އަހަރުގެ ފުރަތަމަ ދުވަސް ކަމުގައިވާ މުޙައްރަމް މަހުގެ 1 ވަނަ ދުވަހެވެ. މި ދުވަހަކީ ކުރިންވެސް ސަރުކާރު ބަންދު ދުވަހެއްގެ ގޮތުގައި ކަނޑައެޅިފައިވާ ދުވަހެކެވެ.