ހުޅުމާލެ ފިތުރޯނު މަގު ފެރީ ޓާނިނަލް ޕާރކް ކައިރީގައި ތަރައްގީކޮށްފައިވާ ފިތުރޯން ސްމާޓް ޕާކިންގް ޒޯންގެ ޖާގަ ބީލަމުގެ އުސޫލުން ކުއްޔަށް ދޫކުރަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)ން ނިންމައިފިއެވެ.
އެޗްޑީސީން މިއަދު ކުރި އިއުލާނެއްގައި ބުނެފައިވަނީ، ފިތުރޯނު ސްމާޓް ޕާކިން ޒޯނުން ތިން އަހަރު ދުވަހުގެ މުއްދަތަށް 11 ޕާކިންގ ޖާގަ ކުއްޔަން ދޫކުރަން ނިންމާފައިވާ ކަމަށެވެ.
އެގޮތުން ޕާކިންގ ޒޯނުން ޖާގަ ހޯދަން ބޭނުންވާ ފަރާތްތަކުގެ ބީލަން ފޯމް ޖުލައި މަހުގެ 25 ވަނަ ދުވަހު 13:00 އާއި 14:00 އާއި ދެމެދުގެ ވަތުތެއްގައި އެގްޒިބިޝަން ސެންޓަރު، އެޗްޑީޗީ ބިލްޑިންގް ގުރައުންޑް ފުލޯއިން ބަލައިގަންނާނެ ކަމަށް އެޗްޑީސީން މައުލޫމާތު ދެއްވައެވެ.
ބީލަން ފޯމް ހުށަހެޅުމަށް ދީފައިވާ ސުންގަޑިއަކީ ޖުލައި މަހުގެ 25 ވަނަ ދުވަހުގެ 14:30 އެވެ.
ބީލަން ފޯމް ހުށަހެޅުމާއި ގުޅޭ އިތުރު މައުލޫމާތު އެޗްޑީސީގެ ވެބްސައިޓް ގައި ޝާއިޢު ކޮށްފައިވާ މައުލޫމާތު ކަރުދާހުގައި ހުންނާއެވެ. އަދި އިތުރު މައުލޫމާތު ސާފުކުރުމަށް އެ ކޯޕަރޭޝަންގެ ނަންބަރު 1516 އަށް ގުޅައިގެން ކުރިއަށް ގެންދެވޭނެ ކަމަށްވެސް އެޗްޑީސީގެ ބަޔާނުގައި ވެއެވެ.
Advertisement
This content is created and paid for by advertisers and does not involve Voice Journalists
