މޯލްޑިވްސް އިސްލާމިކް ބޭންކް (އެމްއައިބީ) ގެ ބިޒްނަސް ބޭންކިންގެ ހިދުމަތްތައް ޑިޖިޓަލްކޮށް، އޯވާޑްރާފްޓް ފެސިލިޓީގެ ހިދުމަތް ތައާރަފްކޮށްފިއެވެ.

"ބްރޭކިން ބެރިއާސް" ގެ ނަމުގައި އެމްއައިބީ އިން ބޭއްވި ހަފްލާއެއްގައި އެ ކުންފުނިން ބިޒްނަސް ބޭންކިންއަށް މުޅިން އަލަށް ތައާރަފްކުރި ހިދުމަތްތައް ލޯންޗުކޮށްދެއްވީ އިޤްތިޞާދީ ތަރައްޤީއާއި ބެހޭ ވަޒީރު މުޙައްމަދު ސަޢީދުއެވެ.

އެމްއައިބީއިން އަލަށް ތައާރަފްކުރި ހިދުމަތްތަކާއި އެކު ވިޔަފާރިތަކަށް ބޭންކް އެކައުންޓު ހުޅުވުމުގެ ހިދުމަތް އެއްކޮށް ޑިޖިޓަލްކޮށް، ރައްކާތެރިކަމާއެކު އެކައުންޓު ހުޅުވެ އެވެ. އަދި ޝަރިއާ ކޮމްޕްލަޔަންޓް ސްޓްރަކްޗާގެ ދަށުން އެމްއައިބީން ބިޒްނަސް ބޭންކިންގެ ކަސްޓަމަރުންނަށް އޯވާޑްރާފްޓް ކުރެވޭ ގޮތްވެސް ވަނީ ހަމަޖައްސާފައެވެ.

Advertisement

އެމްއައިބީއިން އަލަށް ތައާރަފް ކުރި ހިދުމަތްތައް:

1) ބިޒްނަސް އެކްސްޕެންސް ކާޑު- ފަސޭއިން ޕެޓީކޭޝް މެނޭޖުކޮށް، ޓޮޕްއަޕް ކުރެވޭ ގޮތް ހެދުން.

2) ވިޔަފާރިތަކަށް އެމްއެމްއޭގެ "ފަވަރަ" އިން ބަލްކް ޓްރާންސްފާގެ ހިދުމަތް ދޭން ފެށުން.

3) ޝެޑިއުލްކޮށްގެން ޓްރާންސެކްޝަންތައް ކުރެވެން ފެށުން.

4) މުސާރަ ކޯޑު މެދުވެރިކޮށް، ވިޔަފާރިތަކަށް މުސާރަތައް ކޮންމެ ބޭންކަކަށް ޖަމާކުރެވެން ފެށުން.

5) ވިޔަފާރިތަކަށް "ފަވަރަ" އިން ހުރިހާ ބެންކަކަށް ފައިސާ ދެއްކެން ފެށުން.

އޭގެއިތުރުން ބިޒްނަސް ބޭންކު ހުޅުވާ ގަޑިވެސް ހެނދުނު 8:30 އިން ހަވީރު 4:00 ޖަހަންދެން އިތުރުކޮށްފައިވާކަން ފާހަގަކޮށްލަން ޖެހެއެވެ.