އެމްޑީޕީގެ ވެރިކަން ނިމިގެން ދިޔައިރު ޤައުމުގެ އިޤްތިޞާދު އޮތީ ރަނގަޅު ހާލަތެއްގައި ކަމަށް ހަނިމާދޫ ދާއިރާގެ މެންބަރު އަބްދުލްޣަފޫރު މޫސާ ވިދާޅުވެއްޖެއެވެ.
ހޯމަ ދުވަހުގެ ރައްޔިތުންގެ މަޖިލީހުގެ ޖަލްސާގައި ވާހަކަފުޅު ދައްކަވަމުން އަބްދުލްޣަފޫރު ވިދާޅުވީ، އެމްޑީޕީގެ ވެރިކަން ނިމުނު އިރު ޤައުމަށް ލިބެމުން އައި އާމްދަނީ ވަރަށް ބޮޑުތަން އިތުރުވެފައިވާ ކަމަށެވެ.
"32 ބިލިއަން ރުފިޔާގެ އާމްދަނީ ލިބެމުން އައި ޤައުމަށް 34 ބިލިއަން ރުފިޔާގެ އާމްދަނީއެއް ވަންނަމުން ދިޔަ. ހުރިހާ އިޤްތިޞާދީ އިންޑިކޭޓަރުތަކެއް ހުރީ ހަމަ ރަނގަޅަށް. ޓޫރިޒަމް ކުރިއަރަމުން ދިޔަ"
އަބްދުލްޣަފޫރު ވިދާޅުވިއެވެ.
އަބްދުލްޣަފޫރު އިތުރަށް ވިދާޅުވީ، މިހާރު އިޤްތިޞާދަށް އަންނަމުންދާ ބަދަލުތަކަކީ ކުރީގެ ސަރުކާރުތަކުން ޒިންމާވާންޖެހޭނެ ބަދަލުތަކެއް ނޫން ކަމަށާއި، ރާއްޖޭގެ އިޤްތިޞާދުގައި އަދި ރާއްޖެއަށް ލިބޭ އާމްދަނީގައި އެއްވެސް މައްސަލައެއް ނެތް ކަމަށެވެ.
"ކުރެވޭ ޚަރަދު ބޮޑުވެގެން މި އުޅެނީ. އެއް ބިލިއަން ރުފިޔާ ރިކަރަންޓް ޚަރަދު ބޮޑުވެގެން ދިޔައީމާ އިޤްތިޞާދު ފޫ ނުބެއްދިގެން މި އުޅެނީ. އެކަން ކުރަން ޖެހެނީ މި ސަރުކާރުން،"
އަބްދުލްޣަފޫރު ވިދާޅުވިއެވެ.
Advertisement
This content is created and paid for by advertisers and does not involve Voice Journalists
