އާމްދަނީގެ ގޮތުގައި އެކި ފަރާތްތަކުގެ އަތުން ދައުލަތުގެ ބައިތުލްމާލަށް، ޖުމްލަ 10 ބިލިއަނަށްވުރެ ގިނަ ރުފިޔާ، ނުލިބި އެބައޮތްކަމަށް މޯލްޑިވްސް އިންލަންޑް ރެވެނިއު އޮތޯރިޓީ (މީރާ) އިން ބުނެފިއެވެ.

ދައުލަތުގެ ޓެކްސް އިދާރާ، މީރާއިން ނެރުނު މިއަހަރުގެ ދެވަނަ ކުއާޓަރުގެ ރިޕޯޓްގައިވާގޮތުން، ސަރުކާރުގެ ހިއްސާއޮންނަ ކުންފުނިތަކުންނާއި އަމިއްލަ ވިޔަފާރިތަކުން މީރާއަށް 5.5 ބިލިޔަން ރުފިޔާ ޓެކްސް ގެ ގޮތުގައި ލިބެން ޖެހޭއިރު، ޓެކްސްގެ އިތުރުން އާމްދަނީގެ ގޮތުގައި ގާތްގަނޑަކަށް 4.4 ބިލިޔަން ރުފިޔާ ލިބެން ޖެހެއެވެ.

1) އިންކަމް ޓެކްސް – 868 މިލިޔަން ރުފިޔާ

2) ޓީޖީއެސްޓީ – 1.3 ބިލިޔަން ރުފިޔާ

3) ޖީޖީއެސްޓީ – 2.4 ބިލިޔަން ރުފިޔާ

4) އެހެނިހެން ޓެކްސް – 918 މިލިޔަން ރުފިޔާ

1) ރިސޯޓުތަކުގެ ކުލި – 4.2 ބިލިޔަން ރުފިޔާ

2) އެހެނިހެން – 187 މިލިޔަން ރުފިޔާ  

ސަރުކާރު ހިއްސާވާ ކުންފުނިތަކުން ޓެކުހުގެ ގޮތުގައި 1.6 ބިލިއަން ރުފިޔާ ލިބެންޖެހޭއިރު، ޓެކްސް ނޫން އެހެނިހެން އާމްދަނީގެ  21 މިލިއަނަށްވުރެ ގިނަ ރުފިޔާ ނުލިބިވާކަމަށް މީރާގެ ރިޕޯޓުން ދައްކައެވެ.

މި ރިޕޯޓަށް ބަލާއިރު، ޓެކުހާއި ގުޅޭ 1029 މައްސަލައެއްގައި ޖޫރިމަނާ މާފްކޮށްދީފަައިވާއިރު، މައާފްކުރި ޖޫރިމަނާގެ އަގު ގާތްގަނޑަކަށް 63 މިލިއަން ރުފިޔާއަށް އަރައެވެ.

މީގެ އިތުރުންވެސް ޓެކްސް ނުދެއްކުމުގެ ސަބަބުން ކޯޓަށް މައްސަލަތައް ހުށަހަޅައިގެން މީރާއިން ކުރި މަސައްކަތުގެ ތެރެއިން އެ އިދާރާއިން 639 މިލިޔަން ރުފިޔާ ހޯދާފައިވާކަން ފާހަގަކޮށްލެވެއެވެ.