މަޝްހޫރު ވިޔަފާރިވެރިޔާ މޫސާ މުޙައްމަދުފުޅު (ހުވަނދުމާ މޫސާފުޅު) އަވަހާރަވެއްޖެއެވެ.
ހުވަނދުމާ މޫސާފުޅަކީ މަޝްހޫރު ހުދުމާ ފިހާރައިގެ ވެރިޔާއެވެ. އޭނާ އަވަހާރަވީ އުމުރުފުޅުން 82 އަހަރުގައެވެ.
މޫސާ މުޙައްމަދުފުޅު އަވަހާރަވުމާ ގުޅިގެން ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވަނީ އޭނާގެ އާއިލާއަށް ތައުޒިޔާ ވިދާޅުވެފައެވެ. ރައީސް ޑރ.މުހައްމަދު މުއިއްޒު އެކްސްގައި ކުރެއްވި ޕޯސްޓެއްގައި ވަނީ، ދިވެހިރާއްޖޭގެ ތަޖްރިބާކާރު ވިޔަފާރިވެރީންގެ ތެރޭގައި ހިމެނިވަޑައިގަންނަވާ މޫސާ މުޙައްމަދުފުޅު (ހުވަނދުމާ މޫސާފުޅު) އަވަހާރަވުމުގެ ހިތާމައިގައި ބައިވެރިވެ، މަރުޙޫމުގެ ޢާއިލާއަށް ތަޢުޒިޔާ ދަންނަވާފައެވެ.
މޫސާ މުޙައްމަދުފުޅު (ހުވަނދުމާ މޫސާފުޅު)ގެ މޫނު ދެއްކުން އިސްލާމީ މަރުކަޒުގައި ކުރިއަށްދާއިރު، ރައީސް ޑރ.މުއިއްޒުވެސް ވަނީ އިސްލާމީ މަރުކަޒަށް ވަޑައިގެންފައެވެ.
މޫސާ މުހައްމަދުފުޅުގެ ހުދުމާ ފިހާރައަކީ މާލޭގައި އެންމެ ފުޅާދާއިރާއެއްގައި ފޮއްޗާއި، ސްކޫލް ކުދިންނަށް ބޭނުންވާ ޔުނީފޯމު ފަދަ ތަކެތި އެންމެ ފުޅާދާއިރާގައި ފޯރުކޮށްދެމުން އަންނަ ޒަމާންވީ ފިހާރައެވެ.
Advertisement
This content is created and paid for by advertisers and does not involve Voice Journalists
