ރައީސުލްޖުމްހޫރިއްޔާ ޑރ.މުހައްމަދު މުއިއްޒަށް ސިހުރު ހެދި ކަމަށް ބުނާ މައްސަލާގައި ތުހުމަތު ކުރެވޭ މީހުންގެ މައްޗަށް ދައުވާ ނުކުރަން ޕްރޮސެކިއުޓާ ޖެނެރަލް (ޕީޖީ)ގެ އޮފީހުން މިއަދު ނިންމައިފި އެވެ.
މިކަން، “ވޮއިސް” އަށް ކަށަވަރު ކޮށްދެއްވަމުން ޕީޖީ އޮފީހުން ބުނީ މިފަދައިން ނިންމާފައިވަނީ ޖިނާއީ ދައުވާއެއް ކުރެވޭ މިންވަރަށް މައްސަލާގައި ހެކި ލިބިފައި ނުވާތީ ކަމަށެވެ.
ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ ދެކަނބަލުންނަށް ސިހުރު ހެދި ކަމުގެ ތުހުމަތުގައި ހައްޔަރު ކުރެވުނު އެންވަޔަރަމަންޓުގެ ސްޓޭޓް މިނިސްޓަރު ފާތިމަތު ޝަމްނާޒް އަލީ ސަލީމް އާއި، އޭނާގެ ކޮއްކޮ، އެންވަޔަރަމަންޓް މިނިސްޓްރީގެ ސީނިއާ ޕޮލިޓިކަލް ޑިރެކްޓަރު ކަމުގައި ހުރި ސަނާ ސަލީމާއި އިތުރު މީހެކެވެ.
އެމީހުން ބަންދު ކުރުމަށްފަހު މިދިޔަ މަހުގެ 13 ވަނަ ދުވަހު ބަންދުން ދޫކޮށްލީ އިތުރަށް ބަންދުގައި ބަހައްޓަން ނުފެންނާތީ ކަމަށް ފުލުހުން ބުނެފައިވެއެވެ.
ނަމަވެސް، މައްސަލަ ތަހުގީގުކުރަމުންދާނެ ކަމަށް ފުލުހުން އޭރު ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
