މިއަހަރުގެ ގައުމީ ދުވަހުގެ މުނާސަބަތުގައި އެސްޓީއޯ ހުޅުމާލެ ކޮންސްޓްރަކްޝަން ސޮލިއުޝަންސްއިން ނިޕޯން ކުލައިގެ ޚާއްޞަ ޕްރޮމޯޝަނެއް ކުރިއަށް ގެންދިޔުމަށް ނިންމައިފިއެވެ.

އެސްޓީއޯ އިން ބުނީ،  31 އޮގަސްޓުން ފެށިގެން 5 ސެޕްޓެންބަރުގެ ނިޔަލަށް ކުރިއަށްދާ މި ޕްރޮމޯޝަނަކީ ހަމައެކަނި އެސްޓީއޯ ކޮންސްޓްރަކްޝަން ސޮލިއުޝަންސްގެ ހުޅުމާލެ ޝޯވްރޫމް އިން ލިބޭނެ ޚާއްޞަ ފުރުޞަތެއް ކަމަށެވެ.

މި ޕްރޮމޯޝަންގެ ދަށުން ހުރިހާ ނިޕޯން ޕެއިންޓްތަކުން 10% ގެ ޚާއްޞަ ޑިސްކައުންޓެއް ލިބޭނެކަމަށާއި، ޕެއިންޓް އެކްސަސަރީސްގެ ގޮތުގައި ހިމެނޭ ކުލަފިހި، ރޯލަރ އަދި ބުރުސް ފަދަ އެހެނިހެން ކުލަލުމުގެ ސާމާނުން 15% ގެ ޑިސްކައުންޓެއް ލިބޭނެކަމަށް އެސްޓީއޯ އިން ހާމަކުރެއެވެ.

Advertisement

ހުޅުމާލޭގެ ހުވަނދުމާ ހިނގުމުގައި ހުންނަ އެސްޓީއޯގެ މި ފިހާރައިން ކޮންސްޓްރަކްޝަންއާ ގުޅުންހުރި ހުރިހާ ބާވަތެއްގެ ސާމާނު ލިބެން ހުންނާނެކަމަށް އެސްޓީއޯއިން މަޢުލޫމާތު ދެއެވެ.