ކުޅުދުއްފުށި ފަޅުތެރޭގައި މަރުވެފައި އޮއްވާ ފެނުނު މީހާގެ ހަށިގަނޑު ޕޯސްޓުމޯޓަމް ހެދުމަށް ރާއްޖެއިން ބޭރަށް ފޮނުވުމުގެ މަސައްކަތް ކުރަމުންދާ ކަމަށް ފުލުހުން ބުނެފިއެވެ.
މިކަމާ ގުޅޭގޮތުން ފުލުހުން ބުނީ ކުޅުދުއްފުށި ސިޓީ ފަޅުތެރޭގައި މަރުވެފައި އޮތްވާ ފެނުނީ ކުޅުދުއްފުށީ / ޑެއިޒީފެހި، މުހައްމަދު ހަސަންގެ ޕޯސްޓްމޯޓަމް ހެދުމަށް އޭނާގެ ހަށިގަނޑު ބޭރަށް ފޮނުވާލުމުގެ މަސައްކަތް މިއަދު ފަށާފައިވާކަމަށެވެ.
މުހައްމަދު ހަސަން މަރުވެފައި އޮއްވާ ފެނިގެން ރިޕޯޓުކުރީ މިދިޔަ ބުދަ ދުވަހުގެ ހެނދުނު 8:17 ގައެވެ. އޭނާ ހޮސްޕިޓަލަށް ގެންގޮސްފައިވަނީ ބުދަ ދުވަހުގެ ހެނދުނު 8:38 އެހާއިރު އެވެ.
އޭނާގެ މަރާ ގުޅިގެން އިތުރަށް ބަލަންޖެހޭ ކަންކަން ބެލުމަށް ޕޯސްޓްމޯޓަމް ހެދުމަށް އޭނާގެ ހަށިގަނޑު މާލެ ގެނައީ ބުދަ ދުވަހުގެ ރޭގެ ވަގުތެއްގައެވެ.
Advertisement
This content is created and paid for by advertisers and does not involve Voice Journalists
