ދިލްބަހާރު މަގުގައި ހުރި ފިހާރައެއް ތެރޭގައި މީހަކަށް ތޫނު އެއްޗަކުން ހަމަލާދިން މައްސަލާގައި މީހަކު ހައްޔަރުކޮށްފިއެވެ.

މިދިޔަ ހުކުރު ދުވަހުގެ ރޭ، 22:01 އެހައިކަންހާއިރު ފިހާރައެއްގެ ތެރޭގައި ތޫނު އެއްޗަކުން ހަމަލާ ދިނުމުގެ ސަބަބުން ޒަޚަމްވެފައިވަނީ ދިވެހި ފިރިހެނެކެވ. އޭނާއަށް އައި.ޖީ.އެމް.އެޗްގައި ވަނީ ފަރުވާދީފައެވެ. 

މި މައްސަލައާ ގުޅިގެން، ހައްޔަރުކޮށްފައިވަނީ މ. މަސްފަން، މުނީޒު (37 އަހަރު) އެވެ. އޭނާ ހައްޔަރު ކުރީ އޮކްޓޯބަރު 6 ވަނަ ދުވަހު ކޯޓު އަމުރެއްގެ ދަށުން ކަމަށާ އޭނާގެ ބަންދާމެދު ގޮތެއް ނިންމުމަށް އޮކްޓޯބަރު 7 ވަނަ ދުވަހު ކްރިމިނަލް ކޯޓަށް ހާޒިރުކުރުމުން ޝަރީޢަތް ނިމެންދެން ބަންދުކުރުމަށް އަމުރުކޮށްފައިވާ ކަމަށް ފުލުހުން މިއަދު ބުންޏެވެ.

ފުލުހުން މި މައްސަލަ ގެންދަނީ ތަޙުޤީޤު ކުރަމުންނެވެ.