ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށް މަރުގެ އިންޒާރުދިން މައްސަލާގައި މީހަކު ހައްޔަރު ކޮށްފިއެވެ.
މި މައްސަލައާއި ގުޅިގެން ހައްޔަރު ކުރީ، މާލެ، ގ. ސަންސަންގެއާގެ، ޢަބްދުالله މިޔާދު (40 އަހަރު) އެވެ.
ފުލުހުން ރޭ ބުނީ، މިޔާދު ބޭނުންކުރާކަމަށް ބެލެވޭ ފޭސްބުކް އެކައުންޓްތަކުން، ދިވެހިރާއްޖޭގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އަށާއި ދައުލަތުގެ އެކި ފެންވަރުގެ ވެރިންނަށް ނިސްބަތްކޮށް މަރާލާނެކަމަށް ބުނެ އިންޒާރު ދީފައުވާ ކަމަށެވެ.
އަދި އިތުރު އެހެން ފަރާތްތަކަށް ނިސްބަތްކޮށް މަރާލާނެކަމަށާއި އަދި އެނޫން ގޮތްގޮތުން ގެއްލުން ދޭނެ ކަމަށް ބުނެ އިންޒާރު ދީ ހަޑިހުތުރު ބަހުން އެކި ޕޯސްޓްތައް ކުރަމުން ގެންދާ ކަމަށެވެ.
މީގެ އިތުރުން، އެ އައިޑީއިން، އެއް ޖިންސުން ގުޅުން ހިންގުމަށް ހިތްވަރު ދޭ ގޮތަށްވެސް ޕޯސްޓްތައް ކުރަމުންދާ ކަމަށާ، އެ މައްސަލައާ ގުޅިގެން މިޔާދު ހައްޔަރުކޮށްފައިވާ ކަމަށެވެ.
އޭނާ ހައްޔަރުކޮށްފައި ވަނީ ރާއްޖެއިން ބޭރުގައި ހުރެފައި ރޭގެ ވަގުތެއްގައި ރާއްޖެ އައުމުން ކަމަށްވެސް ފުލުހުން ބުންޏެވެ.
މި މައްސަލަ ފުލުހުން ގެންދަނީ ތަޙުޤީޤުކުރަމުންނެވެ.
Advertisement
This content is created and paid for by advertisers and does not involve Voice Journalists
