ރާއްޖޭގެ މޫސުން ގޯސްވާނޭކަމަށް ލަފާކޮށް، ހއ އަަތޮޅުންްްް ފެށިގެން މ އަތޮޅަށް ރީނދޫ ސަމާލް ނެރެފިއެވެ.
މޫސުމާބެހޭ ޤައުމީ އިދާރާއިން އެ ސަރަހައްދަށް ރީނދޫ ސަމާލްް ނޯޓިސް ނެރެފައިވަނީ، މިރޭގެ 21:30 ހުން ފެށިގެން ދަންވަރު 01:30 ގެ ނިޔަލަށެވެ. މެޓް އޮފީހުން ބުނީ ރީނދޫ ސަމާލް ނެރެފައިވާ ގަޑިތަކުގައި ވައި ހުންނާނީ ގަޑިއަކު 25 މޭލާއި، 30 މޭލު ބާރުމިނެއްގައި ކަމަށެވެ.
ވިލާގަނޑުގައި ގަޑިއަކަކު 45 މޭލަށް ވައި ގަދަވާނޭކަމަށް ލަފާކުރަމުން މެޓް އޮފީހުން ބުނީ އެގަޑިތަކުގައި ކަނޑުތައް ވަރަށް ގަދަވާނެ ކަމަަށެވެ.
ރާއްޖޭގެ މޫސުމާ ބެހޭގޮތުން މެޓް އޮފީހުން ބުނީ، ހިނގަމުންދަނީ މޫސުން ވަރަށް ގޯސް ދުވަސްކޮޅެއްކަމުން ދަތުރުފަތުރު ކުރުމުގައި ހާއްސަކޮށް ކަނޑުދަތުރު ފަތުރުކުރާ މީހުން މޫސުމަށް ސަމާލުވާން ޖެހޭކަމަށެވެ.
ހިނގަމުން މިދަނީ ހުޅަނގު މޫސުމުގެ ސާދަވަނަ ނަކަތެވެ. މި ނަކަތުގައި ދޭތެރެދޭތެރެއިން ވިއްސާރަކުރާނޭކަމަށް ނަކަތްތެރިން ލަފާކުރެއެވެ. މެޓް އޮފީހުން ބުނީ މިދުވަސްކޮޅު ހުޅަނގު މޫސުމުގެ ބާރު ގަދަވެފައިވުމުން، މިހަފްތާގެ ހުރިހާ ދުވަހެއްގައި ކަހަލަގޮތަކަށް މޫސުން ގޯސްވާނޭކަމަށް ލަފާކުރެވޭކަމަށެވެ.
Advertisement
This content is created and paid for by advertisers and does not involve Voice Journalists
